Greg Patent

Gikan sa Bikol Sentral na Wikipedia, an talingkas na ensiklopedya
Greg Patent
Greg Patent, 2010
MinundaganHong Kong, People's Republic of China
KasibotanChef
NasyunalidadAmerikano
PagkahimanwâAmerikano
Mga bantog na gawadJames Beard Award, Gourmand World Cookbook Award, Cordon D'Or[1][2]
AgomDorothy Hinshaw Patent
Website
gregpatent.com

Si Greg Patent sarong Amerikano kagsurat nin mga librong-pagluto asin panadero.[3] Siya angkla man sa sarong semanal na pasali sa radyo manongod sa kakanon sa Montana Public Radio, The Food Guys, katambal si Jon Jackson, asin nagluwas naman bilang bisita sa mga programa sa telebisyon asin sa radyo sa bilog na Estados Unidos.

Kaamayi nin buhay[baguhon | baguhon an source]

Siya namundag sa kolonyang Briton nin Hong Kong sa sarong amang Ruso asin inang Iraki,[4] na nagkatagboan asin nag'inagoman sa Shanghai. An ina niya saka lola haleng Irak kan 1930 nag'emigrante sa Shanghai siring kan dakul na mga Hudyong Iraki.[5] Si Patent nag'erok sa Tsina sagkod na siya nag'edad na kagsaro (11).

Durante kan Ikaduwang Gerang Pankinaban, an pamilya niya saka siya naki-estar sa lola niya sa apartment na sarong-kwarto sana. An lola niya sarong panadero na nag'aandam nin kosher na lutoon. Pakatapos nin gera, kan 1950, an pamilya niya naghubo na sa Estados Unidos, naglayag pasiring San Francisco.[6]

Sa edad na kagwalo (18), si Patent nag'entra sa patiribayan na Pillsbury Bake-Off asin ta siya nasikwit an ikaduwang premyo, junior division. Alagad, sa mawot kan mga mmagurang niya na siya magin inhinyero o syentipiko, si Patent nag'adal asin naggradwar sa University of California, Berkeley bitbit an Ph.D. sa Zoology asin nagbungsod nin saiyang karera sa academia.

Karera[baguhon | baguhon an source]

Siya nag'empleo bilang maestro sa University of Montana sa Missoula nin sampolong taon dangang ngapit nagpoon nang magsurat nin semanal na kolum sa sarong peryodiko lokal, the Missoulian, asin nag'angkla sa 30-minuto na pasali sa pagluto na pigrerekord sana sa saiyang kusina.

An kagsadiri kan Cuisinarts, Inc., si Carl Sontheimer, asin saiyang agom, Shirley, pigkontrata si Patent bilang saindang nasyonal na parataram. Siya pigbida sa 26-pasaling serye na tinatampok an Cuisinarts food processor, sa The Learning Channel.

Kan kaamayi nin 1990, si Patent lubos nagtaong atensyon sa pagsurat nin librong-pagluto, an Baking in America, na nagin pinalista sa IACP cookbook award asin ginana an 2003 James Beard Award[7] asin an Gourmand World Cookbook Award bilang Best Baking Book sa lenggwaheng Ingles. Kan Nobyembre 2004, siya pigbansagan na gayong "The Cake Crusader", sa Food & Wine ninda Matt asin Ted Lee.[8]

Siya nag'eerok ngonyan sa Missoula, Montana kaiba saiyang agom na si Dorothy Hinshaw, sarong zoologo, na saiyang nasumpongan sa graduate school.[nangangaipo nin toltolan]

Bibliograpiya[baguhon | baguhon an source]

  • 2008 – Montana Cooking: A Big Taste of Big Sky Country
  • 2007 – A Baker's Odyssey: Celebrating Time-Honored Recipes from America's Rich Immigrant Heritage
  • 2002 – Baking in America: Traditional and Contemporary Favorites from the Past 200 Years
  • 2001 – New Frontiers in Western Cooking
  • 1999 – Food Processor Cooking: Quick and Easy
  • 1999 – A Is for Apple: More Than 200 Recipes for Eating, Munching and Cooking with America's Favorite Fruit
  • 1996 – New Cooking from the Old West
  • 1990 – Shanghai Passage
  • 1985 – Patently Easy Food Processor Cooking

Toltolan[baguhon | baguhon an source]

  1. ↑ "Cordon d'Or - Gold Ribbon, Greg Patent 2008". Cordon d'Or Cuisine. Archived from the original on 2010-12-13. Retrieved 2023-09-18. 
  2. ↑ Keeler, Scott. "Hail to the Chef: Cordon D’Or Culinary Awards Honor Tom Pritchard, Others -." Tampa Bay Times, May 20, 2009. http://www.tampabay.com/features/food/general/article1002080.ece Archived 2012-07-07 at the Wayback Machine..
  3. ↑ Greg Patent; "Why I Bake"
  4. ↑ Author Greg Patent brings us scrumptious chocolate treats.
  5. ↑ From Cannoli to Chapati: A Baker's Culinary Journey
  6. ↑ "The Fabulous Baker Boy". Archived from the original on 2016-03-03. Retrieved 2023-09-18. 
  7. ↑ "Greg Patent | Montana Cooking, A Big Taste of Big Sky Country". Archived from the original on 2009-11-01. Retrieved 2009-08-09.  Unknown parameter |url-status= ignored (help)
  8. ↑ "Food & Wine: The Cake Crusader". Archived from the original on 2018-09-10. Retrieved 2023-09-18. 

Mga panluwas na takod[baguhon | baguhon an source]

Kinua sa "https://bcl.wikipedia.org/w/index.php?title=Greg_Patent&oldid=271841"