Gregoria de Jesús

Gikan sa Bikol Sentral na Wikipedia, an talingkas na ensiklopedya
Gregoria de Jesús
KamundaganMayo 9, 1875
Kalookan
KagadananMarso 15, 1943
Manila
Iba pang mga ngaranAling Oriang, Lakambini
TrabahoKagharong, Katipunera
Midbid bilangIna kan Katipunan
AgomAndres Bonifacio (1893 – 1897), Julio Nakpil (1898 – 1943)

Si Gregoria de Jesús (namundag, Kalookan, 9 Mayo, 1875) aki kan mag-agom na sinda Nicolas de Jesus asin Baltazara Alvarez. Siya iyo an agom kan supremo nin Katipunan na si Andres Bonifacio. Bistado man siya sa bansag na "Ina kan Katipunan" , "Ina kan Giyera" asin "Lakambini kan Katipunan".[1]

Si Gregoria de Jesus na harus inaapod kan mga rebolusyonaryo na si "Inang Oriang"[2] iyo nagkaigwa nin importanteng pagganap sa Katipunan. Siya an paratago nin mga importanteng kasuratan kaini. Pinamayuhan ni Oriang an pagpapakakan asin pagpapabulong sa mga kaapil nin Katipunan na minalas na malugadan. Kan minsan may nagtraydor sa Katipunan iyo itinukdo siya na may kapot nin importanteng kasuratan nin Katipunan, alagad an mga ini iyo marikas niyang naitago sa harayong lugar.[2][3]

Kan madakop si Andres Bonifacio asin an saiyang tugang na si Procopio, iyo dae na ini sinuwayan ni Inang Oriang. Kan gadanon sinda Bonifacio, dae ini ipinagpaaram saiya. Sagkod kan saiya ining maaraman, pighanap niya an lawas kaini pero dae na niya ini nahiling. Naagom niya pagkatapos si Julio Nakpil asin sinda nagkaigwa nin limang aki.[4] Nagkaigwa siya nin sarong aki ki Andres Bonifacio pero ini iyo nagadan kan umboy pa sana.

Si Gregoria de Jesus nagadan kaidtong Marso 15, 1943 sa Manila sa tahaw nin Ikaduwang Gerang Pankinaban.

Sa popular na kultura[baguhon | baguhon an source]

  • Pigganapan ni Grace Amilbangsa sa TV serye kan 1995 na Bayani.
  • Pigganapan ni Danielle Castaño sa pelikula kan 2010 na Ang Paglilitis ni Andres Bonifacio.
  • Pigganapan ni Sunshine Cruz sa pelikula kan 2012 na El Presidente.
  • Pigganapan ni Nica Naval sa pelikula kan 2012 na Supremo.
  • Pigganapan ni Glaiza de Castro sa TV serye kan 2013 na Katipunan asin TV serye kan 2014 na Ilustrado.
  • Pigganapan ni Vina Morales sa pelikula kan 2014 na Bonifacio: Ang Unang Pangulo.

Panluwas na takod[baguhon | baguhon an source]

Toltolan[baguhon | baguhon an source]

  1. "Mga Tala ng Aking Buhay".  Jesús, Gregoria de (1932). Mga Tala ng Aking Buhay at Mga Ulat ng Katipunan. Limbagang Fajardo. 
  2. 2.0 2.1 "Excerpt".  Santiago, Lilia Quindoza (1997). Tales of Courage & Compassion: Stories of Women in the Philippine Revolution. HASIK inc. 
  3. Jesus, Gregoria de. "Filipino Women". Solidarity Philippines Australia Network. Retrieved 2006-12-28. 
  4. "The Katipunera (autobiography)". MSC. Retrieved 2006-12-28.