Haider Al-Abadi

Gikan sa Bikol Sentral na Wikipedia, an talingkas na ensiklopedya
Jump to navigation Jump to search


Si Haider Al-Abadi (o, al-'Ibadi; Arabic: حيدر العبادي‎) sarong Iraki na pulitiko asin tagataram kan Partido Dawa Islamiko. Siya nanominar na magtukaw komo Primer Ministro kan Irak kan Agosto 11 2014 ni Presidente Fuad Masum.[1]

Si Al-Abadi nanombrahan na Ministro sa Komunikasyon kan Namamayong Konseho nin Irak kan Septyembre 1, 2003. Siya sarong moslem na Shia, inhenyero sa elektroniko na may Doktorado hale sa Unibersidad nin Manchester, Reina Unido, kan taon 1980. Si Al-Abadi nagpirmi sa London bilog na panahon na si Saddam Hussein iyo pa an namamayo.[2][3]

Kan yaon siya sa London hanggan 2003, iba-iba an nakaptan niyang trabaho asin pinagkasibotan. Nagtrabaho siya sa sarong kompanyang pantransportasyon nagdedesensyo sa pagplano kan industriya (1993-2003), nagin sarong konsultant dapit sa pagkapot nin personahe (1987-2003), namayo sa sarong research sa London (1981-1986), nagparehistro nin patent sa London dapit sa rapid transit system(2000), asin natawan nin grant kan UK Department of Trade and Industry (1998).

Siya saro sa lider kan Partido Dawa Islamiko, pamayo kan opisina pulitiko kaini asin parataram kan partido. Nagin siyang kaapil igdi kan 1967 asin parte kan liderato poon pa kan 1979. An rehimen Baath ni Saddam Huseein ginadan an duwa niyang tugang asin pigpreso nin sampolong taon an saro pang tugang.[4]

Pagbalik niya sa Irak, nagin siyang Ministro sa Komunikasyon sa panahon na itinindog an Koalisyon Probisyonal na Awtoridad kun saen nagboboot na ikaag sa kamot pribado an mga kompanyang sadiri kan Estado alagad siya, ka'oyon an 25 pang kaapil sa Namamayong Konseho, nagprotesta asin dai nagkuyog sa rason mayo pang permanenteng gobyerno natotogdas. Alagad an Awtoridad na pinamayohan ni Paul Bremer, na iyo an sinubol kan Estados Unidos mamayo kan Irak kan napatalsik na si Saddam Hussein, nagbilog nin gobyerno na mas sunod-sunoran sa Probisyonal na Awtoridad na kapot ni Bremer. Si Al-Abadi pigdoon na sa oras na may gobyernong Iraki na may tunay na soberania na, pwedeng magboot o magsayuma sa mga lisensya na itinugot mangyari kan si Probisyonal na Awtoridad, bagay na nagpahiling na si Al-Abadi may sadiri man paninindogan asin bakong "tawo-tawo sa posporo". [5]

Kan taon 2006, nagin siyang advisor sa Primer Ministro kan Irak alagad kan magputok an pagbungkaras kan mga militanteng jihadistang moslem ining taon na 2014, an inapod na Islamic State, asin nagparapansakop nin mga teritoryo sa Sirya asin Irak, nataraka an Primer Ministro kan Irak na dai niya ngani magkaburogkos sa saiyang liderato. Igdi nagpoon magboses an dakul na sektor na an Primer Ministro, si Nouri Al-Maliki, dapat magbaba na sa pwesto. Si Al-Abadi an napusoan na magsalida saiya.




Toltolan[liwaton | liwaton an gikanan]