Imre Steindl

Gikan sa Bikol Sentral na Wikipedia, an talingkas na ensiklopedya
Imre Steindl
Imre Steindl (1884)
KamundaganImre Ferenc Károly Steindl
(1839-10-29)29 Oktobre 1839
Pest, Kahadean nin Hunggria , Imperyong Austryako
Kagadanan31 Agosto 1902(1902-08-31) (edad 62)
Budapest, Austryako-Hunggria
NasyunalidadHunggaro
Alma materTU Wien, Vienna
Technical University of Budapest

Si Imre Ferenc Károly Steindl (29 Oktobre 1839 – 31 Agosto 1902) sarong Hunggarong arkitekto.

Si Steindl (minsan inaapod sa Aleman na Emerich Steindl o Emmerich Steindl[1]) iyo an kagdesenyo kan Edipisyo nin Parlamentong Hunggaro, asin saro siyang katuwang na propesor sa Hungarian Academy of Sciences.

Sa paghinapos kan ika-19 na siglo, si Steindl asin kairiba sinda Miklós Ybl asin Frigyes Schulek, iyo na an pinakalataw na mga arkitekto sa laog kan kadagaan nin Korona nin Santo Esteban. An bantogan niyang trabaho, an Edipisyo nin Parlamentong Hunggaro (Országház) sa Budapest, iyo an nagin simbolo kan kabesera nin syudad.

Biograpiya[baguhon | baguhon an source]

Si Steindl naggradwar sa Technical University of Budapest asin sa Academy of Fine Arts Vienna. Siya sarong maestro sa Budapest Technical University poon kan 1869. Siya naelihir komo honoraryong myebro kan Royal Institute of British Architects kan 1891 asin naako man magin myembro sa Hungarian Academy of Sciences kan 1898.

Edipisyo nin Parlamentong Hunggaro
Edipisyo nin Parlamentong Hunggaro sa Budapest

An interes arkitektural niya enot romantiko historisismo, dangan Renasimyento asin Gothic na estilo.

Midbid na gayo siya komo kagtugdok kan Edipisyo nin Parlamentong Hunggaro, an halimbawa kan arkitekturang Gothic Revival natugdok sa Pest pampang nin Danube, alagad an iba pang lataw na mga obra niya iyo an Katedral ni Santa Elisabeth sa Budapest asin man an pagpahirahay kan Katedral ni Santa Elisabeth sa Košice saka duman sa Hunyadi Castle.

Si Steindl nagin buta bago matapos an Hunggarong Parlamento kan 1904 asin nagadan kan 1902 sa Budapest. Siya nakalubong sa Sementeryo Kerepesi.

Mayor na mga obra[baguhon | baguhon an source]

  • New Town Hall, Budapest (1870–1872, Budapest V., Váci u. 62 – 64.)
  • Commercial Trade and Industrial Bank (1872)
  • Hunyadi Castle restoration (1870–1874) - na ginibo pakagadan kan enot na paradesenyo na si Ferenc Schulcz
  • Franciscan church, Szeged, pagbagong modelo (1876)
  • St Elisabeth Cathedral, Košice, pagbagong modelo
  • University Buildings on Múzeum körút, District VIII (1880–1883)
  • St Mary of Resurrection, Máriafalva (ngonyan, Mariasdorf, Burgenland, Austria), hinirahay sa estilong Gothic Revival (1882–1899), Zsolnay na baldosa ginamit sa mayor na altar
  • St Elizabeth Church, Rózsák tere, Budapest District VII, (1893–1901)[2][3]

Kataytayan nin mga ladawan[baguhon | baguhon an source]

Toltolan[baguhon | baguhon an source]

  1. "% 2C1077279001% 3Fcc% 3D1452460 & cc = 1452460 Deaths are registered in Bp. I-III. dist. united state mortal akv. 2201/1902". FamilySearch.org. Retrieved 29 October 2017. 
  2. Website of the Saint Elisabeth Church (click "lejátszás")
  3. "The Square of Roses, where the above church is located". Earth-Photography.com. Archived from the original on 22 January 2017. Retrieved 29 October 2017. 

Mga panluwas na takod[baguhon | baguhon an source]