Isla nin Alcatraz

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An Isla nin Alcatraz
An Isla nin Alcatraz pagta'naw sa itaas

An Isla nin Alcatraz(/ˈælkəˌtræz/) namomogtak sa Sola' nin San Francisco, 1.25 milya (2.01 km) an rayo sa San Francisco, California, Estados Unidos. An isla pinagpakarhay na magin igwang parola, kota militar, preso militar (1868), asin sarong preso federal poon 1934 sundo 1963. Kan Nobyembre 1969, ini huli sa aktibismo kan mga Indiyan na naglakop sa Amerika kan mga taon 1970, ini inokupar nin 19 bulan kan mga Katutubong Amerikano (Indiyan) haleng San Francisco sa pagprotesta. Kan 1972, an Alcatraz nagin nang lugar na lingaan asin turuyohon nin mga turista. Ini nadesignar na Historiko Nasyonal na Tandaan kan 1986.[1]

An mga pasilidad igdi ngonyan pigmamato kan National Park Service bilang parte kan Golden Gate National Recreation Area asin bukas sa pagbisita kan mga turista asin mga dayo. An mga bisita maaabot an isla paagi kan ferry na nahale sa Pier 33, harani sa Fisherman's Wharf, San Francisco. An Hornblower Cruises and Events, na nagooperar sa pangaran na Alcatraz Cruises, iyo an opisyal na parahakot kan mga bisita pasiring sa Alcatraz. [2]

An isla namomogtakan kan mga abandonadong preso, lugar kan pinakagurang na parola sa West Coast kan Estados Unidos, kaamaying kota kan militar asin igwa man igding mga natural na danaw-danaw naporma kan kagagapoan asin dayohan kan mga manlaenlaen na mga gamgam arog kan western gulls, cormorant, asin egret. Susog sa estadistikang dokumentaryo kan 1971, an isla nagsusukol 1,675 pye (511 m) por 590 pye (180 m) asin 135 pye (41 m) sa pinakatoktok nya kun hubas. An total na hiwas niya naabot 22 acre o 8.9 ektarya.[3]

An mga interesanteng dayohon igdi iyo an Main Cellhouse, Dining Hall, Library, LIghthouse, rogba kan Warden's House asin Officer's Club, Parade Grounds, Building 64, Water Tower, New Industries Building, Model Industries Building asin an Recreation Yard.


An panorama kan Alcatraz pagtanaw haleng Sola' nin San Francisco, nag'aatubang subangan


Mga panluwas na takod[liwaton | liwaton an gikanan]

  • [4] Historya kan Presong Alcatraz. Kinua 07-04-17</ref>

Toltolan[liwaton | liwaton an gikanan]

  1. [1]www.history.com. Kinua 07-04-17
  2. [2] www.citypass.com. Alcatraz Cruises. Kinua 07-04-17
  3. [3] www.brittanica.com. Kinua 07-04-17