Isla nin Frayle

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An Fort Drum, asin sa likod kaini iyo an USS New Jersey (BB-62) uminagi (1983)

An Isla nin Frayle (o, Fort Drum), o inapod man na "konkretong armadong bapor", sarong isla na harani sa nganga'an kan Sola' nin Manila kan Filipinas. An kota' na ini tuyong armadong husto asin pinormang bapor kan Estados Unidos kan taon 1909 asin nagsirbe bilang depensa sa mas halakbang na daratangan kan South Channel pasiring sa sola' durante kan panahon nin Amerikanong kolonya. Ini naagaw asin inukopar kan mga mananakop na Hanop kan Ikaduwang Gerang Pankinaban alagad nabawi kan pwersa armada kan Estados Unidos paagi nin pagpabulos igdi sa mga ngawngaw sa ibabaw kaini nin pinaghalong aseiti asin gasolina sa na ikinatoprod kan mga nagpapaipli' sa irarom na mga Hapon. Bunga kaini, an kota' permanenteng nagin inutil.

An napapabayaan na ngonyan na kota' ipigngaran kan Amerika ki Brig. Gen. Richard C. Drum na nagsirbeng marayrahay an rekord sa Gerang Mehikano-Amerikano saka duman man sa Gera Sibil nin Amerikano, asin siya nagadan kan Oktobre 15, 1909, na iyo an taon kun kasuarin hinaman an kota'. An islang ini asin iba pang mga depensa sa pantalan kan Sola' nin Manila sakop kan Siyudad nin Kabite kan probinsya nin Cavite.[1]


Toltolan[liwaton | liwaton an gikanan]