Isoroku Yamamoto

Gikan sa Bikol Sentral na Wikipedia, an talingkas na ensiklopedya
Si Almirante Isoroku Yamamoto


Si Isoroku Yamamoto (山本 五十六, Yamamoto Isoroku?, 4 Abril 1884 – 18 Abril 1943) iyo an Poon na Komandanteng Pandagat na namamayo kan nagputok an Ikaduwang Gerang Pankinaban.

Namundag siya sa Nagaoka, prefectura kan Niigata. An ama niya iyo si Sadayoshi Takano (高野 貞吉, Sadayoshi Takano?). An ngaran na "Isoroku" boot sabihon sa antigong Hapon "56" ta siya namundag ngane kan an ama niya nag'eedad nang 56.

Siya nagklase sa Akademya Pandagat kan Etajima (Hiroshima) kan 1901 asin nagtapos kan 1904. Kan 1905, durante kan gera ruso-hapon siya nakadamay ta direkta siyang yaon sa sagupaan kan Tsushima laban sa Flota Baltika kan Ruso. Igdi sa sagupaan na ini, naputolan siyang duwang moro. Bago kaini, siya natoka sa iba-ibang bapor sa Dagat Pasipiko.[1]

Siya an almirante asin arkitekto sa paglusob sa Pearl Harbor kan Des. 7, 1941.

Pagkagadan[baguhon | baguhon an source]

Siya nagadan kan Abril 18, 1943 kan an saiyang nasasakayan na eroplano, sarong transport, an T1-323, nasabat asin napa'asak-asakan nin paputok sa masinggan ni Primer teniente Rex T. Barber asin an eroplano diretsong nagbulasok na nagsusulo. Si Yamamoto may tama sa abaga asin sarong bala naglaog sa salang asin luminagbas sa mata. Kuta an tuyo niya iyo an pagbisita kan mga kamugtakan sa Habagatan Pasipiko apesar kan mga patanid saiya kan mga sakop niyang tauhan na dai na magruta duman ta delikado asin maabangan kan mga Amerikano. Totoong masusukit an ruta niya sa paglayog ta nabagat asin nabuyagyag an mga mensahe kan Hapon dapit kan saiyang pagpasiring sa Pasipiko. Naglagpak an saiyang nasakayan na eroplano sa Islang Solomon.[2]

An pangyaring ini dakulang ikinaluya nin boot kan Hapon asin dai na ngani ngona ipinaisi sa publiko an saiyang pagkagadan.


Toltolan[baguhon | baguhon an source]