Jump to content

Jabal al-Nour

Gikan sa Bikol Sentral na Wikipedia, an talingkas na ensiklopedya
Jabal al-Nour
Jabal al-Nour harani sa Mecca
Pinakahalangkaw na Piye
Elebasyon642 m (2,106 ft)
642 metre Edit this on Wikidata
Tagboan21°27′29″N 39°51′41″E / 21.45806°N 39.86139°E / 21.45806; 39.86139Tagboan: 21°27′29″N 39°51′41″E / 21.45806°N 39.86139°E / 21.45806; 39.86139
Mga dimensyon
Pagpapangaran
Katutubóng pangaranجَبَل ٱلنُّوْر  (Arabe)
Heograpiya
Map of Saudi Arabia Showing the location of Jabal al-Nour
Map of Saudi Arabia Showing the location of Jabal al-Nour
Jabal al-Nour
Mapa nin Saudi Arabia pinapahiling an lokasyon kan Jabal al-Nour
KinamumugtakanMakkah Province, Hejaz, Saudi Arabia
Saklaw nin magurangHijaz Mountains
Heolohiya
Pagtukad

Jabal al-Nour (Arabic: جَبَل ٱلنُّوْر‎, translit. Jabal an-Nūr, lit. 'Bukid nin Liwanag' or 'Kulod kan Kaliwanagan') sarong bukid harani sa Mecca sa rehiyon nin Hejaz kan Saudi Arabia. An bukid naghaharong kan grotto o lungib kan Hira ( Arabic: غَار حِرَاء‎, translit. Ghar-i-Hira, lit. 'Lungib nin Hira') na igwang dakulaon na kahulogan para sa mga Muslim sa bilog na kinaban, ta digdi sinasabi na an Islamikong propeta Muhammad inako an enot niyang kapahayagan kan Quran, na binibilog kan pinakaenot na limang ayat kan Surah Al-Alaq gikan sa anghel Jibra'il (siring sa pagsayod nagkapirang eskwelahan sa pagpahayag Quran asin mga tribong Arabo; midbid man bilang Gabriel). Saro ini sa pinakapopular na atraksyon nin mga turista sa Makkah. An bukid mismo haros 640 metres (2,100 ft) piye an langkaw; minsan pa abot saro sagkod duwang oras kaipohan sa pagsakat pasiring sa lungib. Igwang 1750 na lakdang pasakat, na dawa sa sarong angay na indibidwal, pwede mag-abot kabangang oras asin saro-may kabangang oras.

Etimolohiya

[baguhon | baguhon an source]

Digdi pigtutubodan na nagkaigwa si Muhammad nin kapahayagan asin nag-ako kan limang berso kan Quran, an nulod tina'wan nin titulong Jabal an-Nūr ("Bukid nin Liwanag" o "Bukid nin Kaliwanagan"). An ekperyensyang ini iyo pigmimidbid bilang kapinu'nan kan kaoahayagn; kaya an sa-ngunyan kaining pangaran. An petsa kan enot na kapahayagan kan banggi nin Agosto 10, 610 A.D. o, Lunes ika-21 kan Ramadan,[nangangaipo nin toltolan] kan si Muhammad 40 na taon sa lunar(tagbulanan), 6 bulan asin 12 aldaw an edad, i.e. 39 na taon sa solar(tag-aldaw), 3 bulan asin 22 aldaw.[1]

Itsura

[baguhon | baguhon an source]

An sarong pisikal na tampok na naiiba an Jabal al-Nour hale sa ibang kabukidan asin kabubuldan iyo an pambihirang alitoktok kaini, na ginigibo ining garo duwang bukid nasa ibabaw kan lambang saro. An alitoktok kan bukid na ini sa mabukid na desierto saro sa pinakamamundo na lugar. Alagad, an kuweba sa laog, na nakaatubang sa direksiyon kan Kaaba, mas tagong-susuway pa ngani. Kan enot, mantang nakatindog sa patyo, an mga tawo makatatanaw sana sa palibot na darakulang gapo. Sa ngunyan, naheheling kan mga tawo an palibot na darakulang gapo saka edipisyo na ginatos na metro sa ibaba asin ginatos na metros hanggan dakol na kilometrong an rayo. An Hira kapwa mayong tubig o pananom na laen sa pirang tonokan. An Hira halangkaw sa Thabīr(ثَبِيْر)[lower-alpha 1] asin kinoronahan nin sarong bakilid saka mahalnas na alitoktok, na dating sinakat ni Muhammad kaibahan an nagkapirang pag-iriba.[4]

Geolohiya

[baguhon | baguhon an source]

An bukid kompuesto nin mga gapong intrusive igneous, na an kadaklan iyo Precambrian an edad na magaspang na hornblende tonalite, na sakop an granodiorite.[5]

Lungib nin Hira

[baguhon | baguhon an source]
An entrada kan Lungib kan Hira sa bukid

An Lungib kan Hira bakong gayong signipikante bago nagkaigwang Islam, an pangaran kaini hira, an kahulugan mga alahas. Sa pagsakat, mangangaipuhan nin 1750 na lakad, an lungib may sukol na 3.7 m (12 ft) an laba asin 1.60 m (5 ft 3 in) an lakbang.[6] May langkaw ining 270 m (890 ft).[7] Kun may Hajj (pagsongko), pinagtatantya na minaabot sa limang ribong mga bisita digdi aro-aldaw tanganing mahiling an lugar kun sain pigtutubodan na enot na pinahiling ki Muhammad an Quran kaidtong Laylat al-Qadr (bangging mapangyari) nin anghel na si Jibreel (Gabriel).[6] Kadaklan kan mga Muslim dai pinagkokonsiderar an pagbisita sa lungib na maninigong kabali sa Hajj. Alagad, may mga nangagkapira na nagdidirigdi para sa personal na singgaya asin ispiritwalidad, asin dawa pa na an iba pigkokosiderar ini lugar nin pagsamba, an paghiling na ini dai nakakanigo sa Salafist na interpretasyon kan ritwal Islamiko. Dawa pa an lungib mahalaga sa As-Sīrah an-Nabawiyyah (propetikong biograpiya), dai ini pigtutulod bilang banal na lugar sa Mecca, arog kan Moske nin Al-Haram, kun siring sa mga kadaklan na interpretasyon sa Islam, an parehong pagmidbid sa pagpamibi digdi arog kan sa ibang lugar sa Mecca.

Bago an enot na patotoo ki Muhammad, nagkaigwa sya nin mga marungaring mga pangaturogan, kun sain may mga signos kan pagpoon kan saiyang pagkanipropeta asin an mga gapo sa Mecca mabinggar saiya nin salaam. An mga pangaturugan na ini nagtagal nin anom na bulan.

An nagdadakulang pangangaipo nin pagsolosolo naggiya ki Muhammad na maghanap nin seclusyon asin paghorophorop (Muraqabah) sa magapong bulod na nakapalibot kan Mecca.[8] Nagpapaipli siya sa lungib nin sarong bulan kada taon, na nag-aayon sa seklusyon (Tahannuth).[lower-alpha 2][11] Nagdara siya nin mga probisyon asin pinakakan an mga pobre na nagduduman sa saiya. Bago magpuli sa saiyang pamilya para sa dugang pang probisyon, sia magsisirbi nin pitong beses sa Kaaba.[11]

Taytay nin mga ladawan

[baguhon | baguhon an source]
  • Tanawon kan Jabal al-Nour
    Tanawon kan Jabal al-Nour
  • Mga tawong nagraralaog sa Lungib nin Hira
    Mga tawong nagraralaog sa Lungib nin Hira
  • Pangkagabsan na tanawon kan Jabal an-Nour
    Pangkagabsan na tanawon kan Jabal an-Nour
  • Lungib nin Hira
    Lungib nin Hira
  • Jabal e Noor
    Jabal e Noor
  • Sarong ladawan kan Mecca kan 2019, mahihiling an Al-Masjid Al-Haram sa hampang, asin an Jabal an-Nour sa likodan. An Jabal Abu Qubays nasa sirangan kan moske, sa too kan ladawan.
    Sarong ladawan kan Mecca kan 2019, mahihiling an Al-Masjid Al-Haram sa hampang, asin an Jabal an-Nour sa likodan. An Jabal Abu Qubays nasa sirangan kan moske, sa too kan ladawan.

Hilngon pa

[baguhon | baguhon an source]

Reperensya

[baguhon | baguhon an source]

Mga nota

[baguhon | baguhon an source]
  1. ↑ Sarong alitoktok sa lugar nin Mina, Saudi Arabya.[2][3]
  2. ↑ Dakul ining kahulugan,[9][10] saro kaini iyo 'pansadiring-pangangatanosan', arog kan ginigibo kan mga tribo nin Quraysh kun Jāhiliyyah.

Ginunuan

[baguhon | baguhon an source]
  1. ↑ Mubārakpūrī, Ṣafī R. (1998). When the Moon Split (A Biography of the Prophet Muhammad). Riyadh: Darussalam. p. 32. 
  2. ↑ "T̲h̲abīr", Encyclopedia of Islam (2 ed.), Brill, 2017, retrieved 2018-04-11 
  3. ↑ Schadler, Peter (2017). "4". John of Damascus and Islam: Christian Heresiology and the Intellectual Background to Earliest Christian-Muslim Relations. Brill. p. 158. ISBN 978-9004356054. 
  4. ↑ Weir, T. H.. "Ḥirāʾ." Encyclopaedia of Islam, First Edition (1913-1936). Edited by M. Th. Houtsma, T.W. Arnold, R. Basset, R. Hartmann. Brill Online, 2013. Reference. Augustana College. 07 October 2013 <http://referenceworks.brillonline.com/entries/encyclopaedia-of-islam-1/hira-SIM_2820>
  5. ↑ Youssef, Ahmed M.; Pradhan, Biswajeet; Al-Kathery, Mohamed; Bathrellos, George D.; Skilodimou, Hariklia D. (January 2015). "Assessment of rockfall hazard at Al-Noor Mountain, Makkah city (Saudi Arabia) using spatio-temporal remote sensing data and field investigation" (in en). Journal of African Earth Sciences 101: 309–321. doi:10.1016/j.jafrearsci.2014.09.021. Bibcode: 2015JAfES.101..309Y. https://linkinghub.elsevier.com/retrieve/pii/S1464343X1400329X. 
  6. ↑ 6.0 6.1 "In the Cave of Hira'". Witness-Pioneer. Archived from the original on 2008-02-15. Retrieved 2018-04-11.  Unknown parameter |url-status= ignored (help)
  7. ↑ "Saudi Tourism". Saudi Tourism. Archived from the original on 2011-10-08. Retrieved 2018-04-11.  Unknown parameter |url-status= ignored (help)
  8. ↑ Peterson, Daniel C. (2013). Muhammad, prophet of Allah. Grand Rapids, Mich. 
  9. ↑ "Taḥannut̲h̲", Encyclopedia of Islam (2 ed.), Brill, 2017, retrieved 2018-04-11 
  10. ↑ Kister, M. J. (1968), ""Al-Taḥannuth": An Inquiry into the Meaning of a Term" (PDF), Kister.huji.ac.il, 31 (2), pp. 223–236, retrieved 2018-04-11 
  11. ↑ 11.0 11.1 al-Tabarī, Abū Ja'far Muhammad B. Jarīr (1988). Watt, W. Montgomery; McDonald, M.V., eds. Ta'rīkh al-rusul wa'l-mulūk [The history of al-Tabarī]. 6. Albany, N.Y.: State University of New York Press. 


Panluwas na mga takod

[baguhon | baguhon an source]

Plantilya:Mga bukid sa Peninsulang Arabyano Plantilya:Mga pinakabanal na mga sityo kan Shia Islam

Kinua sa "https://bcl.wikipedia.org/w/index.php?title=Jabal_al-Nour&oldid=267136"