Jesse Owens

Gikan sa Bikol Sentral na Wikipedia, an talingkas na ensiklopedya
Jesse Owens (1936)

Si James Cleveland "Jesse" Owens (Septyember 12, 1913 – Marso 31, 1980) sarong Amerikanong atletang itom sa track and field, na an siring paumbasan sa pagdalagan. Nagbali siya sa Olimpikong Karawat sa Tig-init kan 1936 na ginibo sa Berlin, Alemanya. Sa nasabing patiribayan, ginana niya an apat na medalyang bulawan pang-Olimpiko: saro sa 100 metrong dalagan, saro sa 200 metrong dalagan, sa halawig na paglampaw, asin komo kaayon sa grupong pang-4x100 metrong dalagan na ribayan.[1]

Siya binisto bilang "pinakamahusay asin pinakabantog na atleta sa historya nin track and field". An saiyang naginibohan na pambihira iyo an ganahon an tolong rekord pankinaban sa Ann Arbor, Michigan na nabansagan na "daing-kaarog na gibo sa laog sana nin 45 minuto sa siring na isport" asin sagkod ngonyan dai pa napapantayan. An rekord niya man sa 1936 Tig-init na Olimpiko sa Berlin kun saen nagkamit siya nin internasyonal na kabantogan sa pagsikwit nin apat na medalyang bulawan sa sunod-sunod na paurumbasan asin nasabing siya na an pinakamatriyumpong atleta sa Olimpikong idto. An saiyang rekord igdi ilinampaso asin ibinasura nanggad an hambog ni Hitler na an mga Aleman komo sinasabing dugong Aryan, iyo na an "pinakamaurag" sa kinaban, dawa totoo dai man siya inagda sa White House ngani maabrasa lamang kan Presidenteng Amerikano sa kanigoan na onrang dinara niya para sa Estados Unidos.[2]

Ini an sinabi niya dapit sa bagay na ini na makonswelo alagad may pait sa pagtaram: "totoo dai man ngaya ako inagda ni Hitler maki-abrasa saiya, alagad totoo man dai ako inalok sa White House na abrasahon ako kan Presidente."[3]

Si Owens nata'wan pagromdom ta saiya inginaran an pinakahalangkaw na onra sa USA Track and Field na atleta, an inapod na The Jesse Owens Award. Si Owens pinagranggo kan ESPN bilang ika-anom na pinakamahusay na Norte Amerikanong atleta kan ika-20ng Siglo, asin pinakahalangkaw na ranggo sa siring na isport. Siya man nakabali sa shortlist (ikaanom) kan BBC-ng Sports Personality of the Century.

Iba pang onra[baguhon | baguhon an source]

Kan 1982, an siyudad nin Berlin pigngaran saiya an tinampong pasiring sa Olympic stadium na kun saen duman na gayo siya nagkawat kan 1936. An ngaran na "Jesee Owens Allee.[4]

Kagadanan[baguhon | baguhon an source]

Si Owens parayopyop sigarilyong gayo poon pa kan edad 32. Kan Desyembre 1979, siya dinara sa ospital huli sa pagpoon nang maglakop an kanser sa baga' niya. Kan Marso 31, 1980, apat na bulan sana makalihis, siya nagadan asin ilinubong sa Oak Woods Cemetery sa Chicago. An umaw saiya na binutsan ni Presidente Jimmy Carter, iyo "Seguro mayo nang ibang atleta kundi siya na an pinakasimbolo kan pakikitusay sa buhay laban sa tiraniya, kadukhaan, asin rasismo."

Toltolan[baguhon | baguhon an source]

  1. [1]www.olympic.org. Kinua 15-02-18
  2. [2]www.nytimes.com. Kinua 15-02-18
  3. [3]www.brainquote.com. Kinua 15-02-18
  4. [4]www.imdb.com. Kinua 15-02-18