John Bongat

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
John H. Bongat
Alkalde kan Syudad nin Naga
Termino
2010–2019
Personal na mga detalye
Kamundagan Syudad nin Naga, Camarines Sur
Nasyunalidad Filipino
Partido politikal Partido Liberal
Dinakulaan Bicol
Alma mater Ateneo de Naga na Unibersidad
Ateneo de Manila na Unibersidad
Unibersidad kan Pilipinas
Pagtubod Katolisismo

Si John Garcia Bongat sarong politiko, abogado asin an presenteng alkalde kan Syudad nin Naga. Myembro siya kan Partido Liberal.

Siya nagin konsehal nin tulong termino poon 2001 sagkod 2010 bago guminana sa eleksyon kan Mayo 10, 2010 bilang ikawalong alkade kan syudad. Nagseserbe siya kan saiyang ikatulo asin huring termino bilang alkalde.[1]

Biograpiya[liwaton | liwaton an gikanan]

Siya akì ninda Roy Bongat asin Gloria Garcia.

Nagtapos si Bongat nin elementarya sa Naga Parochial School asin nagpadagos nin sekondarya sa Ateneo de Naga na Unibersidad. Sa Manila, kinua niya sa kolehiyo an kursong political science sa Ateneo de Manila dangan nagkua nin abogasiya sa Unibersidad kan Pilipinas.

An saiyang na inâ, kan nabalo ki Roy, napangagom ni Ramon Felipe, Sr. Si Garcia nagtrabaho sa Government Service Insurance System kun sain an dati niyang agom na si Roy sarô man sa assistant manager sa nasabing ahensya kan nabubuhay pa.

May kolum si Bongat sa Bicol Mail, an May Derecho Ka Dyan na manungod sa aplikasyon kan ley. Nagpondo ini poon kan nagtukaw siyang alkalde kan Naga.

Nag-eerok siya kan saiyang pamilya sa Dayangdang, syudad nin Naga.

Politika[liwaton | liwaton an gikanan]

Naglaog si Bongat sa politika kan 2001 bilang konsehal. Kadaklan kan mga ordenansyang saiyang ipigtulod nakatotok sa paz y orden asin komersyo.

Kagsurat siya kan Bantay Kataid, i-Serve Program, asin mga ordenansya kan Naga City Business Registry Databank. Pinamayohan niya an Project Monitoring Committee siring man an konseho sa Paz y Orden asin komite sa Appropriations.[2]

Nakatulong termino si Bongat bilang konsehal bago nagin alkalde kan syudad kan 2010. Sinundan nya si Jesse Robredo. Siya liwat na nanggana sa duwang suminonod na eleksyon sa siring na katungdan kun sain nadaog niya sa eleksyon na ini iyo sinda Jun Pelagio, Luis Ortega asin Fortunato Peña.

Toltolan[liwaton | liwaton an gikanan]

  1. Hon. John G. Bongat Naga.gov.ph
  2. JOHN G BONGAT sa PhilPro

Mga panluwas na takod[liwaton | liwaton an gikanan]

Selyo kan Syudad nin Naga
Mga Alkalde kan Syudad nin Naga
Rosalio Imperial, Sr.Blas DavidFelix EspirituFeliciano ReyesRosalio ImperialBlas DavidFelix EspirituLeon AureusMonico ImperialVictorino OjedaRamon Felipe, Jr.Carlos Del CastilloFeliciano ReyesPocholo RocoJesse RobredoJohn Bongat