Ramon Felipe, Sr.

Gikan sa Bikol Sentral na Wikipedia, an talingkas na ensiklopedya

Si Ramon B. Felipe, Sr. (Pebrero 3, 1894 - Enero 26, 1970[1]) sarong Bikolanong abogado asin pulitiko. Siya nagin Diputado sa Primer Distrito kan Camarines Sur sa duwang termino (1922-25 asin 1925-28)) dangan nagin Gobernador kan nasabing probinsya sa duwa man na termino (1928-31, asin 1931-34). Siya nagin Floor Leader kan Partido Democrata sa Senado kan Filipinas. Bago kaini, siya nagkapot kan kargong Translator asin Proofreader sa Clerk of Court (Korte Suprema).

An mga magurang niya iyo sinda Antero Felipe asin Carmen Justiniani. [2]. An enot niyang napangagom iyo si Rosalia Hidalgo kan Milaor. Kan nabalo siya, naagom niyang ikaduwa iyo an saro man na balo si Gloria Garcia, balo ki Roy Bongat, sarong empleyado sa GSIS. Si Gloria Garcia na aki ninda Gerardo Garcia asin Feliciana Hadji iyo an ina kan presenteng alkalde kan Siyudad nin Naga na si John Bongat, aki ni Roy Bongat ki Gloria Garcia. Si Felipe, Sr. aki si nagin alkalde kan syudad kan Naga si Ramon Felipe, Jr..

Edukasyon[baguhon | baguhon an source]

Nagtapos siyang elementarya sa Sta. Cruz Elementary School (1906), sekundarya sa Manila (1914) totoo an duwang taon kaini kinua niya igdi sa Naga sa Camarines Sur High School, asin an abogasya sa Unibersidad kan Pilipinas (1919).

Kan panahon niya sa eskwela konsiderado siyang marayrahay na orador asin parasurat, mala ta nagin siyang editor sa Philippinhe Law Journal kan College of Law asin nagawadan kan Carson Silver Medal "Excellence in Oratory", sa sarong Oratorical Contest sa College of Law, UP. Nagin man siyang reporter kan Cablenews American (1918).

Mga panluwas na takod[baguhon | baguhon an source]

Toltolan[baguhon | baguhon an source]

  • Cornejo's Commonwealth Directory of the Philippines.1939 Encyclopedia Edition. Miguel R. Cornejo, AB, LL.B. 1939. p. 1707.
  • Bicol Biographical Encyclopedia. Vol. II. Bicol Research and Publication Center. Alfredo M. Barias. 333 pages. p. 312.
  1. Lapida niya sa Sementeryo Penafrancia
  2. [Bicol Biographical Encyclopedia. Vol. II. Bicol Research and Publication Center. Alfredo M. Barias. 333 pages. p. 312.]Kinua 07-20-17