Jovito Salonga

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
si Jovito Salonga

Si Jovito "Jovy" Reyes Salonga (Hunyo 22, 1920 – Marso 10, 2016) sarong Filipinong estadista asin abogado, na iyo an nangengenot na gayong lider sa oposisyon durante kan rehimen ni Marcos poon 1972, kan si Ferdiand Marcos magdeklara nin ley militar, hanggan 1986, kan si Marcos mapatalsik sa poder gibo kan pagputok kan People Power Revolution. Si Salonga iyo an ika-14 na Pamayo kan Senado nin Filipinas, poon 1987 sundo 1992.

Kaamayan kan buhay asin edukasyon[liwaton | liwaton an gikanan]

Si Salonga namundag sa Pasig sa katiosan kan Hunyo 22, 1920 asin an ama niya iyo an sarong Presbetirong pastor, si Esteban Salonga asin an saiyang ina si Bernardita Reyes, sarong paratinda sa saod. Siya an pinakangohod sa magturugang na limang anas lalaki. Si Salonga masabing nagpaadal haros sa sadiri niya ta siya nagtrabaho bilang proofreader sa imprentahan na rogaring kan tugang niyang matua, si Isaias. Kan senior niyang taon komo estudyante sa College of Law kan Unibersidad kan Pilipinas nagbutas siya sa trabaho ngane makaadal na husto sa pag'andam sa saiyang eksamen sa bar. Alagad, naoktaba an pag'eksamen niya ta nagputok an Ikaduwang Gerang Pankinaban. Nakua niya an bar exam kan 1944 kadungan si Jose Diokno asin pareho sinda nangenotan ta nakamit ninda an gradong point average na 95.3%. Nakua niya an Masters of Law degree sa Harvard Law School kan 1948 asin an Doctor of Law degree sa Yale Law School kan 1949.[1]

Karera sa pulitika[liwaton | liwaton an gikanan]

Si Salonga nagin representante kan probinsya nin Rizal poon 1961 abot 1965 asin nagin senador sa tolong terrmino (1965-71, 1971-72, asin 1992-98).

Kan 1986, siya an enot na pamayo kan Presidential Commission on Good Government (PCGG), na naglapag asin nagkotkot kan mga tagong yaman na ilegal kan si diktador Ferdinand Marcos. Kan 1992 nagdalagan siya para presidente alagad dai nakalusot. Dangan kaidto nagretiro na siya sa pulitika. [2]

Mga librong tinokdâ[liwaton | liwaton an gikanan]

  • A journey of struggle & hope
  • Presidential plunder
  • Not by power or wealth alone
  • The senate that said no

Mga panluwas na takod[liwaton | liwaton an gikanan]

[1]Pagkagadan ni Salonga. Kinua 10-3-16 [2] Kinua 10-3-16


Toltolan[liwaton | liwaton an gikanan]