Kōbō Abe

Kōbō Abe
Kōbō Abe in 1967
Katutubong ngaran	安部 公房
Minundagan	Kimifusa Abe (安部 公房 Abe Kimifusa) (1924-03-07)Marso 7, 1924 Kita, Tokyo, Japan
Kagadanan	Tokyo, Japan
Kasibotan	Writer
Edukasyon	Seijo High School
Alma mater	University of Tokyo
Genre	Absurdist fiction, surrealism
Hirong pagsurat	Modernism
Mga bantog na gawad	Akutagawa Prize Yomiuri Prize Tanizaki Prize
Agom	Machi Abe
Mga akì	Neri Abe

Si Kimifusa Abe (安部公房, Abe Kimifusa, Marso 7, 1924 – Enero 23, 1993), na midbid sa saiyang pangaran sa pagsurat na Kōbō Abe (安部公房, Abe Kōbō), sarong parsurat, parasurat nin dulang pantalan, asin direktor na Hapon. An saiyang nobela kan 1962 na The Woman in the Dunes ginibo bilang sarong pelikula na naggana nin award ni Hiroshi Teshigahara kan 1964. Si Abe parate na ikokomparar ki Franz Kafka huli sa saiyang mga sensibilidad na modernista asin sa saiyang mga surreal, na parate na nakakapangirhat na pag-adal sa mga indibidwal sa sosyedad sa presente. Nagadan siya sa edad na 68 huli sa helang sa puso sa Tokyo pakalihis nin halipot na sakit.

Biyograpiya

Namundag si Abe kan Marso 7, 1924 sa Kita, Tokyo, Japan asin nagdakula sa Mukden (ngonyan Shenyang) sa Manchuria. An pamilya ni Abe yaon sa Tokyo kan panahon na idto huli sa sarong taon na pag-adal sa medisina kan saiyang ama sa Tokyo. An saiyang ina nagdakula sa Hokkaido, mantang siya nakaeksperyensiya kan saiyang pagka-aki sa Manchuria. An tulong lugar na ini na pinag-ugtakan kan saiyang pagkaaki nagkaigwa nin impluwensya ki Abe, na nagsabi ki Nancy Shields sa sarong interbyu kan 1978, “Sa katunayan, ako sarong tawo na mayo nin lugar na pinagmulan.” Ini an puedeng dahilan kan “takot sa lugar na pinagmulan” na yaon sa hararom kan sakong mga pagmate. [8] An gabos na bagay na pinapahalagahan huli sa estabilidad nakakainsulto sako. Bilang aki, interesado si Abe sa pagkolekta nin insekto, matematika, asin pagbasa. An saiyang paboritong mga parasurat iyo sinda Fyodor Dostoevsky, Martin Heidegger, Karl Jaspers, Franz Kafka, Friedrich Nietzsche, asin Edgar Allan Poe.

Si Abe nag-aandam nin gyōza

Nagbalik si Abe sa Tokyo sa halipot na panahon kan Abril 1940 tanganing mag-adal sa Seijo High School, alagad an saiyang helang sa baga nagpuwersa sa saiya na magbalik sa Mukden, kun saen saiyang binasa an mga sinurat ni Jaspers, Heidegger, Dostoevsky, asin Edmund Husserl. Nagpoon si Abe na mag-adal nin medisina sa Tokyo Imperial University kan 1943, bako sanang bilang pagbistado sa saiyang ama, kundi man huli ta “an mga estudyanteng nag-espesyalisar sa medisina libre sa pagigin soldados. An sakong mga katood na nagpili kan mga humanidades nagadan sa gera.” Nagbalik siya sa Manchuria harani sa katapusan kan Guerra Mundial II. Espisipikong, binayaan ni Abe an Tokyo University Medical School kan Oktubre 1944, asin nagbalik sa klinika kan saiyang ama sa Mukden. Kan tiglipot na idto, nagadan an saiyang ama huli sa eruptive typhus. Pagbalik sa Tokyo kaiba an abo kan saiyang ama, si Abe nagbalik sa pag-adal nin medisina. Nagpoon si Abe na magsurat nin mga nobela asin halipot na istorya durante kan saiyang huring taon sa unibersidad. Nakagradwar siya kan 1948 na may titulo sa medisina, na nagbibiro na pinagtugot siyang makagradwar sa kondisyon na dai na siya magpraktis.

Kan 1945, nagpakasal si Abe ki Machi Yamada, sarong artista asin direktor nin entablado, asin an mag-agom nagkaigwa nin mga nagin mapanggana sa saindang mga trabaho sa parehong panahon. Sa primero, nag-istar sinda sa sarong gurang na kampo sa sentro kan siyudad na nabomba. Naglako si Abe nin atsara asin oring sa tinampo tanganing mabayadan an saindang mga utang. An mag-agom nag-uyon sa nagkapirang grupo sa pag-adal sa arte, arog kan Yoru no Kai (Grupo kan Banggi o Sosyedad kan Banggi) asin Nihon Bungaku Gakko (Eskwelahan nin Literaturang Hapon). An saindang aking babayi, si Abe Neri, namundag kan 1954.

Mantang nag-uuswag an panahon pagkatapos kan gera, an postura ni Abe bilang sarong intelektuwal na pasipista nagdara sa saiya sa pag-uyon sa Partido Komunista kan Hapon, kun saen nagtrabaho siya sa pag-organisar kan mga trabahador sa mga pobreng parte kan Tokyo. Dai nahaloy pakaresibi kan Akutgawa Prize kan 1951, namatean ni Abe an mga limitasyon kan mga patakaran asin regulasyon kan Partido Komunista kaiba an mga pagdudawa-duwa kun ano an makahulugang mga obra sa arte an magigibo sa genre kan “sosyalistang realismo.” Kan 1956, nagpoon si Abe na magsurat bilang pagtabang sa mga trabahador na Polako na nagprotesta tumang sa saindang gobyernong Komunista, na nagpaanggot sa Partido Komunista. An pagpuna nagpakompirmar kan saiyang postura: “An Partido Komunista nagpwersa sako na baguhon an sulud kan artikulo asin mag-hagad nin pasensya. Alagad nagsayuma ako. Nagsabi ako na dai ko nuarin nungka an sakong opinyon sa bagay na ini. Ini an enot kong pagtalikod sa Partido.” Kan sumunod na taon, nagbiyahe si Abe sa Sirangan na Europa para sa ika-20ng Kombensiyon kan Partido Komunista nin Sobyet. Dai siya nakaheling nin dakulang interes duman, alagad an mga arte nagtao saiya nin kaogmahan. Nagbisita siya sa harong ni Kafka sa Prague, binasa an mga sinurat ni Rilke asin Karel Capek, nag-isip manungod sa saiyang idolo na si Lu Xun, asin napahanga sa sarong dula ni Mayakovsky sa Brno.

An pagsalakay kan Sobyet sa Hungary kan 1956 nagpaanggot ki Abe. Nagprobar siyang humale sa Partido Komunista, alagad an mga pag-atras kan partido dai inako kan panahon na idto. Kan 1960, nagpartisipar siya sa mga protesta kontra sa rebisyon kan Kasunduan sa Seguridad kan Estados Unidos asin Hapon bilang kabtang kan pan-ideolohikal na Young Japan Society. Huri, nagsurat siya nin dula manungod sa mga protesta, an The Day the Stones Speak, na nagkaigwa nin nagkapirang pagtanghal sa Hapon asin Tsina kan 1960 asin 1961. Kan tig-init nin 1961, si Abe nag-uyon sa sarong grupo nin iba pang mga parasurat sa pagpuna sa mga polisiya sa kultura kan Partido Komunista. Pwersahang pinalayas siya sa partido kan sumunod na taon. An saiyang aktibidad politikal natapos kan 1967 sa paagi nin sarong pahayag na pigpalabas niya mismo, kaiba si Yukio Mishima, Yasunari Kawabata, asin Jun Ishikawa, na nagprotesta sa pagtratar sa mga parasurat, artista, asin intelektuwal sa Komunista na Tsina. Segun ki tagaliwat na si John Nathan, an pahayag na ini nagresulta sa pagkasuway kan relasyon ni Abe asin kan kapwa parasurat na si Kenzaburo Oe.

An mga eksperyensiya niya sa Manchuria may hararom na impluwensya man sa saiyang mga sinurat, na nagtatampok kan mga kakilakilabot asin mga pangarap na garo-gipit na nagin surrealistang marka kan saiyang mga obra. Sa saiyang mga pag-girumdom sa Mukden, an mga markang ini hayag: “An totoo, tibaad mayo man nin basura sa gitna kan kaparangan; tibaad mga uwak sana. Igwa ako nin girumdom sa ribo-ribong uwak na naglulupad hale sa kaparangan pagkagabii, na garo baga an ibabaw kan kaparangan inaaangat pasiring sa langit.” An basura sa kaparangan totoo sa buhay, arog kan mga uwak, alagad an mga pag-girumdom ni Abe manungod sa kaparangan nakasentro sa paggamit kaini bilang lugar nin pagpatay sa mga kriminal—an saindang mga payo—na ngonian pagkakan kan mga uwak—na biglang minaluwas sa kadikloman asin nawawara giraray, na natatakot asin naaaakit sa sato.” An mga idiyang ini yaon sa kadaklan kan mga obra ni Abe.

Karera

Si Abe enot na naipublikar bilang sarong poeta kan 1947 sa Mumei-shishu ("Mga rawitdawit nin sarong dai midbid na poeta"), na saiyang mismo an nagbayad kan gastos. Kan sumunod na taon, nagin nobelista siya sa Owarishi michi no shirube ni ("An Tanda sa Dalan sa Katapusan kan Tinampo"), na nagpabisto kan saiyang reputasyon. Kan makua niya an Akutgawa Prize kan 1951, nakumpirmar an saiyang kakayahan na magpadagos sa pagpublikar. Aram na siya naggibo nin dakul na obra bilang sarong avant-garde na nobelista asin parasurat nin dula, alagad dai pa sana kan pagpublikar kan The Woman in the Dunes kan 1962 na nakakamtan ni Abe an lakop na pag-apresyar sa internasyonal na lebel.

Kan dekada 1960, nagtrabaho siyang kaiba an direktor na Hapon na si Hiroshi Teshigahara sa mga adaptasyon sa pelikula kan The Pitfall, Woman in the Dunes, The Face of Another, asin The Man Without a Map. An Woman in the Dunes nakaabot nin lakop na pag-apresyar sa mga kritiko asin ipinaluwas sana apat na bulan pakapinalayas ki Abe sa Partido Komunista kan Hapon.

Kan 1971, nagtugdas siya kan Abe Studio, sarong acting studio sa Tokyo. Sagkod sa katapusan kan dekada, nagsasanay siya nin mga artista asin nagdidirehir nin mga dula. An desisyon na magtugdas nin studio nagkaigwa duwang taon pakatapos kan enot niyang pagdirehir kan saiyang sadiring obra kan 1969, an produksyon kan The Man Who Turned Into A Stick. An mga set kan produksyon dinisenyo kan agom ni Abe, asin si Hisashi Igawa an nagbida. Si Abe nawaran na nin gana sa kakayahan kan teatro na irepresentar an mga abstrak na ideya, na ginigibo itong pasibong midyum. Sagkod kan 1979, nagsurat, nagdirehir, asin nagprodyus siya nin 14 na dula sa Abe Studio. Nagpublikar man siya nin duwang nobela, Box Man (1973) asin Secret Rendezvous (1977), kaiba an sarong serye nin mga sanaysay, mga partitura nin musika, asin mga litratong ipinapahiling. An Seibu Theater, sarong avant-garde na teatro sa bagong department store na Parco, sinasabing itinugdas kan 1973 para ki Abe, maski ngani dakul pang ibang artista an tinawan nin oportunidad na gamiton iyan. An produksyon kan Abe Studio kan The Glasses of Love Are Rose Colored (1973) binukahan duman. Kan huri, an bilog na Seibu Museum ginamit sa pagpahiling kan mga litrato ni Abe. Sarong Exhibition of Images.

An Abe Studio nagtao nin kaibahan sa kadaklan kan kontemporaryong tanaw sa teatro kan Hapon, na nagkokontrasta sa tradisyonal na mga produksyon kan Haiyuza, na pinipili na magpokus sa dramatiko, imbes na pisikal na ekspresyon. Ini sarong ligtas na lugar para sa mga hoben na artista, na parateng kinukuha ni Abe sa Toho Gakuen College sa Chohu City, sa may gilid kan Tokyo, kun saen siya nagtutukdo. An averids na edad kan mga artista sa studio mga 27 sa bilog na dekada, mantang an mga miembro nag-aalis asin may bagong mga artista na nagsusulod. Si Abe “maabilidad” na nag-atubang sa mga problema na nagmumula sa pagkakaiba sa eksperyensiya sa entablado.

Kan 1977, si Abe pinili na sarong Honorary Foreign Member kan American Academy of Arts and Sciences.

Mga Pasidungog

Sa mga onra na inako ni Abe, kabali an Akutgawa Prize kan 1951 para sa The Crime of S. Karuma, an Yomiuri Prize kan 1962 para sa The Woman in the Dunes, asin an Tanizaki Prize kan 1967 para sa dulang Friends. Kinredito ni Kenzaburo Oe si Abe asin an ibang modernong mga parasurat na Hapon sa "[pagbuo] kan dalan pasiring sa Nobel Prize," na saiyang mismo an nagkamit. Si Abe pig-ngaranan nin dakul na beses bilang posibleng magin resipiente, alagad an saiyang amay na pagkagadan nagpundo sa posibilidad na iyan.

Rawitdawit

Taon	Titulo sa Hapon	Titulo sa Ingles	Makukua an mga traduksiyon	Mga Tala
1947	無名詩集 Mumei shishu	Mga Rawitdawit kan Sarong Dai Midbid na Pararawitdawit
1978	人さらい Hito sarai	Pagkidnap