Kimikang analitikal

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Laboratoryo para sa gas na kromatograpiya

An kimikang analitikal (Ingles: analytical chemistry) iyo an pag-aadal asin kagamitan nin mga instrumento asin paagi na ginagamit sa pagsuway, pag-identipika, asin pagkwantipika nin materya.[1] Sa praktika, an pagsuway, pag-identipika, o pagkwantipika pwedeng magbilog nin entirong analisis o isalak sa lain na paagi. An separasyon iyo pigsusuway an mga "analyte". An kwalitatibong analisis iyo pig-iidentipika an mga analyte, mientras an kwantitatibong analisis iyo pig-aaram an numerikal na bilang o konsentrasyon.

An kimikang analitikal iyo pigbibilog nin klasikal, basang kimikal na paagi, asin modernong instrumental na mga paagi.[2] An klasikal na kwalitatibong paagi iyo minagamit nin separasyon arug kan presipitasyon, ekstraksyon, asin distilasyon. An identipikasyon pwedeng magbase sa kaibahan sa kulay, parong, punto nin pagkatunaw, punto nin pagkalakaga, solubilidad, radyoaktibidad o reaktibidad. An klasikal na kwantitatibong analisis iyo naggagamit nin pagbabago sa masa o bolyum sa pagkwatipika nin bilang. An mga instrumental na paagi pwedeng magamit sa pagsuway nin mga sampol gamit an kromatograpiya, elektroporesis, o field flow fractionation. Dagos gibuhon an kwalitatibo asin kwantitatibong analisis, harus sa kaparehas na instrumento asin pwedeng maggamit nin interaksyon nin liwanaga, interaksyon nin init, elektrikong kahiwasan, o magnetikong kahiwasan. Harus an kaparehas na instrumento kayang magsuway, mag-identipika, asin magkwatipika nin analyte.

Nakapokus man an kimikang analitikal sa pag-uswag kan eksperimental na disenyo, kemotrika, asin pagmokna nin mga bagong pagsukol na kagamitan. An kimikang analitikal igwa nin mahiwas na aplikasyon sa medisina, siyensya, asin inhenyeriya.

Padagos na pagbasa[liwaton | liwaton an gikanan]

  • Gurdeep, Chatwal Anand (2008). Instrumental Methods of Chemical Analysis Himalaya Publishing House (India) ISBN 978-81-8318-802-9
  • Ralph L. Shriner, Reynold C. Fuson, David Y. Curtin, Terence C. Morill: The systematic identification of organic compounds - a laboratory manual, Verlag Wiley, New York 1980, 6. edition, ISBN 0-471-78874-0.
  • Bettencourt da Silva, R; Bulska, E; Godlewska-Zylkiewicz, B; Hedrich, M; Majcen, N; Magnusson, B; Marincic, S; Papadakis, I; Patriarca, M; Vassileva, E; Taylor, P; Analytical measurement: measurement uncertainty and statistics, 2012, ISBN 978-92-79-23071-4.

Panluwas na takod[liwaton | liwaton an gikanan]

Toltolan[liwaton | liwaton an gikanan]

  1. Skoog, Douglas A.; West, Donald M.; Holler, F. James; Crouch, Stanley R. (2014). Fundamentals of Analytical Chemistry. Belmont: Brooks/Cole, Cengage Learning. p. 1. ISBN 978-0-495-55832-3. 
  2. Skoog, Douglas A.; Holler, F. James; Crouch, Stanley R. (2007). Principles of Instrumental Analysis. Belmont, CA: Brooks/Cole, Thomson. p. 1. ISBN 978-0-495-01201-6.