Jump to content

Kindergarten

Gikan sa Bikol Sentral na Wikipedia, an talingkas na ensiklopedya
Sarong kindergarten sa nasyon na Hapon.

An kindergarten, (katagang Aleman, literal na palis sa Bikol: tatamnan nin mga aki), iyo an sarong paagi nin pagtukdo sa preschool (o bago an eskwelahan) na tradisyunal na nakabatay sa pagkawat, pag-awit asin sa mga praktikal na gibohon siring kan paggurit asin pakikipag-kapwatawo bilang kabtang kan pag-andam sa pagbabago poon sa harong pasiring sa eskwelahan. An mga enot na siring kaining institusyon binilog kaidtong huring parte kan ika-kagwalong siglo sa Bavaria asin Strasbourg para magsirbe sa mga aki na may parehong magulang na nagtatrabaho sa luwas kan harong.

An katagang kindergarten naggikan ki Friedrich Fröbel na may paagi na dakula an nagin impluwensya sa enot na taon kan edukasyon sa kinaban. An kataga iyo an piggagamit sa dakul mga nasyon para iladawan an manlaenlaen na klase nin mga institusyon na pang-edukasyon para sa mga aki na duwa sagkod sa pitong taon an edad, na nakabase sa manlaenlaen na paagi nin pagtukdo.

Kaidtong 1779, sinda Johann Friedrich Oberlin asin Louise Scheppler nagtogdas sa Strasbourg nin establisimyento para sa pag-ataman asin pagtukdo sa mga aki na an mga magurang mayo sa pagka-aga asin sa pagkahapon. Sa haros kaparehong panahon, kaidtong 1780 igwa nin kaagid na establisimyentong pang-umboy na naimukna sa Bavaria. Kaidtong 1802, si Pauline zur Lippe nagtogdas nin sarong sentrong preschool sa Detmold.

Sa Filipinas[baguhon | baguhon an source]

Pinakusog an amay na edukasyon sa mga aki sa paagi kan pagtugdas kan Early Childhood Care and Development Act kan 2000 (Republic Act No. 8980).[1] Kaidtong 2011, an Departamento kan Edukasyon nagdistribwir nin mga sapi kan Kindergarten Education Act sa paagi kan Republic Act No. 10157 piggigibo iyan na kompulsaryo asin mandatoryo sa bilog na nasyon. Bilang sarong probisyon, an mga aki na nasa dai pa naglimang taon kinakaipuhan na mag-enrol sa kindergarten sa maski arin na publikong elementarya sa nasyon.

Toltolan[baguhon | baguhon an source]

  1. "R.A. 8980". Archived from the original on November 19, 2010. Retrieved January 17, 2010.  Unknown parameter |url-status= ignored (help)