La Democracia

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
La Democracia, peryodiko kan Partido Federal, 1899

An La Democracia [1] sarong peryodikong tinogdas kan Mayo 16. 1899 ni Trinidad Pardo de Tavera sa pagsuporta asin pag'ampoyon sa mga programa pulitikal kan Partido Federal, sarong partido na hayag kampi sa gobyernong Amerikano sa pagkolonya kan Filipinas. An nagin editor kaini iyo si L. Gonzales Liquete.

Sa enot na luwas kaini, ibiniklad kan peryodiko an saiyang mga katuyohan:

"An proklamasyon kan Amerikanong Komisyon kan Abril 4 dakula nanggad an kahalagahan sa lambang Filipino. Sa pag'ogid kan nasabing dokumento, malinaw na an soberaniyang Amerikano madara nin dakulang balaog sa banwang Filipinas.

"An Komisyon ginagarantiya an marhay na boot asin pakisumaro kan Presidente asin kan namamanwaan amerikano na iyo an saiyang pigrerepresentar, na mayong ibang kaisipan kundi mapangatamanan an interes, kauswagan asin kaogmahan kan banwang Filipino na ngane an banwa maigantad sa kamugtakan nin dakulang onra sa pagtalubo kasabay an mga nasyon na gantad asin sibilisado sa kinaban.

"An siring na nobleng katuyohan asin mga panuga na ipinahayag dapat mga bagay na pag'atid'atidon kan mga Filipino sa panahon na ini importanteng gayo sa historya niya.

"Ma'wot ta an katoninongan. Mga Filipino kita. Satuyang kina'oongis asin tinutubod na mayong kamanongdanan an pagbulos pa nin dugo kan satong mga tugang.

"Mayo na dapat nanggad nin buhay nin tawo an mapatimasang. Dai man kaipuhan maggamit nin pangahas ngane makamtan ta an satuyang katalingkasan. Nagtutubod kami sa mga nobleng kaisipan kan mga Amerikano asin, oyon sa proklamasyon kan Komisyon, samuyang idinuduhol an samuyang kooperasyon, paagi kan La Democracia, para sa pagtolod kan matanos na mga kamawotan kan satuyang namamanwaan." [2]

Nagtapos an editoryal sa paghayag na logod butsan naman an mga presong Espanyol.

Alagad, sinasabi na dai man naghaloy an publikasyon huli sa diringkilan sa laog, sa dai toltol na pag'suporta kan mga amerikano mansana asin huli ta dakul nang nagburutwa na mga oposisyon na grupo. Nagsara an peryodiko kan taon 1908.


Toltolan[liwaton | liwaton an gikanan]

  1. [1] History of the Philippine Press,p.38. University of Michigan Digital Library. Kinua 28-11-13
  2. [2] History of the Philippine Press, p.39. UM Digital Library. Kinua 28-11-13