Lucrecia Roces Kasilag

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Lucrecia Roces Kasilag
Lucrecia Roces Kasilag 2018 Philippines stamp.jpg
Lucrecia Roces Kasilag on a 2018 stamp of the Philippines
KamundaganLucrecia Roces
(1918-08-31)Agosto 31, 1918
San Fernando, La Union, Philippines
KagadananAgosto 16, 2008(2008-08-16) (edad 89)
Manila, Philippines
TrabahoKompositor asin pyanista
Mga gawadNational Artist of the Philippines.svg
Artista nasyonal kan Filipinas

Si Lucrecia Roces Kasilag (31 Agosto 1918 – 16 Agosto 2008)[1] sarong Filipinong kompositor asin pyanista.

Kaamayan kan buhay[liwaton | liwaton an gikanan]

Si Lucrecia R. Kasilag namundag sa San Fernando, La Union. Siya an ikatolo sa anom na aki ninda Marcial Kasilag Sr., sarong inhinyero empleyado sa gobyerno, asin Asuncion Roces, sarong maestra sa musika, na iyo an enot na impluensya sa buhay ni Lucrecia. Dangan pakamundag ni Lucrecia, naghubo sa Albay, tapos nagpaMaranila na an pamilya.

Edukasyon/karera[liwaton | liwaton an gikanan]

Hubin pang marhay, si Lucrecia nakanood nang maggitara. Siya nagtapos valedictorian sa Paco Elementary School asin sa Philippine Women's University High School. Natapos niya an degree sa Batsilyer en Artes sa Ingles sa Philippine Women's University (PWU). Pakatapos, siya nagkuang leksyon sa piyano ki Concha Cuervo, dangan ki Pura Lacson Villanueva. Nakamit niya an saiyang Music Teacher's degree sa St. Scholastica's College of Music kan 1939. Pinadara siya sa sarong Asian tour ni impresario Alfredo Lozano. Dugang pa kaini, saiyang tinapos an Bachelor of Music degree niya sa PWU. Sa orog na kadugangan na adal niya sa musika, kinua niya an Master of Music degree, major in theory asin minor sa komposisyon sa Eastman School of Music, University of Rochester sa Nweba YOrk. Ginawadan man siya nin mga honorary doctorate degrees kan Centro Escolar University, kan Philippine Women's University asin kan St. John University, Nweba York kan 1981.[2]

Si Lucrecia Kasilag nagtukdo sa iba-ibang kolehiyo arog kan St. Scholastica's College, Assumption College asin Unibersidad nin Pilipinas Conservatory of Music. Siya man naggibong orihinal na pag'aadal sa kulturang etniko, dangan kaidto nag'gusi siya nin mahiwas na pagmidbid sa bilog na kinaban bilang Direktor kan Bayanihan Philippines Dance Company. Siya nagin Dekano sa PWU College of Music and Fine Arts. Nagsirbe siyang Artistic Director asin bilang presidente kan Cultural Centre of the Philippines poon 1969 sagkod sa saiya nang pagretiro kan 1986. Kinaptan niya man manlaenlaen na pwesto sa dakul na organisasyon. Nagkapot man siya nin mga matagom na katongdan sa nasyonal asin internasyonal na mga organisasyon sa musika asin nagresibi nin iba-ibang grants. Kan 1971, si Lucrecia Kasilag nadesignaran komo Colombo music expert na iyo an magtataong giya sa University of Singapore sa pagtogdas kaini kan sadiring departamento sa musika. Siya nagsurat man nin magkapirang artikulo asin mga saysay dapit sa manlaenlaen na aspekto sa humanidades asin pagsaligsig sa musikang Asyano.[3]

Si Kasilag nagpoon magkompos kan Ikaduwang Gerang Pankinaban. An saiyang sobra sa duwang gatos may limang polong (250) komposisyon nasakop an mga arrangement sa folk song, art songs, solo instruments pieces, chamber asin orchestral works. Naggibo man siyang mga orihinal na trabaho sa pagsasaro' kan mga rekursos kan oksidental asin oriental na mga instrumento nin Subangan asin Solnopan.[4]

Kan 1979, an Kubing Records pinagrekord magkapira kan saiyang obra arog kan "Toccata for Percussion and Winds" (1958), "Divertissement for Piano and Orchestra" (1960), "Legend of Sarimanok" (1963), "Filiasiana", sarong choral dance kaleidoscope (1964), "Dularawan" (Drama-Tableau) gamit mga indigenous na mga instrumento asin mixed chorus (1969), "Her Son, Jose", an operator (1976) asin "Sisa", ballet music (1976).[5]

Mga onra asin pasib[liwaton | liwaton an gikanan]

  • Honorary Doctor of Music, iginawad kan Centro Escolar University, 1975
  • Honorary Doctor of Laws, iginawad kan Philippine Women’s University, 1980
  • Honorary Doctor of Fine Arts, iginawad kan St. John’s University in New York, 1981
  • National Artist in the Philippines, 1989

Toltolan[liwaton | liwaton an gikanan]

  1. Tariman, Pablo A. (2008). "Lucrecia Kasilag, grand dame of RP music, dies at 90". http://showbizandstyle.inquirer.net/lifestyle/lifestyle/view/20080817-155206/Lucrecia-Kasilag-grand-dame-of-RP-music-dies-at-90. Retrieved on 31 August 2012. 
  2. [1]filipinokundimans.blogspot.com. Kinua 2019-03-11
  3. [2]filipinokundimans.blogspot.com. Kinua 2019-03-11
  4. [3]filipinokundimans.blogspot.com. Kinua 2019-03-11
  5. [4]filipinokundimans.blogspot.com. Kinua 2019-03-11