Malabungot
.svg)  Malabungot | |
| Heograpiya | |
|---|---|
| Kinamumugtakan | 0.6 kilometers (0.37 mi) off Caramoan Peninsula |
| Tagboan | 13°55′30″N 123°35′20″E / 13.9250°N 123.5889°ETagboan: 13°55′30″N 123°35′20″E / 13.9250°N 123.5889°E |
| Arkipelago/Kaiislahan | Pilipinas |
| Administrasyon | |
Pilipinas | |
An Malabungot o Malabungut, asin inaapod man nin Mahad, sarong isla sa Binagasbasan Bay harani sa baybayon kan Garchitorena sa Camarines Sur, Pilipinas. Napasuway ini sa Caramoan Peninsula sa timog kan Quinalasag Passage, bisto man bilang Sisiran Passage, na nagtatakod sa mga isla nin Sisiran asin Lamit. An isla minaporma kan payo kan Binagasbasan Bay, napapalibutan sa solnopan kan mga isla nin Lamit asin sa subangan kan isla nin Quinalasag, na nagbubukas paamihanan kan Philippine Sea. Ini pigdeklara bilang sarong pinoprotektaran nin tanawon huli kan biodibersisad asin ka ekolohikal na importansiya kaini.[1]
Geograpiya
[baguhon | baguhon an source]An Malabungot saro sa mga nagkapirang sararadit na isla na namomogtak sa baybayon kan Caramoan Peninsula kaheras sa pag-oltanan kan mga munisipyo kan Garchitorena, Caramoan asin Lagonoy sa Distrito Partido kan Camarines Sur. Ini kabali sa barangay kan Binagasbasan sa Garchitorena kaiba an mga isla nin Lamit, asin mga sararadit na isla nin Pawican asin Puling sa Lamit Bay. An isla patag asin nagsusukol na 2.5 kilometro (1.6 mi) an laba asin 1 kilometro (0.62 mi) an kahiwasan sa pinakamahiwas kaining punto. Namomogtak ini sa gilid kan shore reef sa sarong iregular na porma kan isla na namomogtak sa tahaw kan mga isla nin Quinalasag asin Lamit, na duwang sadit na mga isla na pigsusuway kan piot na agihan.[2] Pigtatantiya ining 0.6 kilometro (0.37 mi) gikan sa kadagaan kan Garchitorena.
Pag - olang
[baguhon | baguhon an source]An isla binubuo nin 120.62 ektarya (298.1 acres) kan lowland evergreen forests asin mga baybayon nin dagat. Parte ini kan sarong lugar sa daga na pig-establisa kan 1981 na pigbubuo kan Malabungot, Batangas asin Quinalang (Quinalasag) na mga isla nin Camarines Sur.[3] Midbid an lugar sa manlaen-laen na sistema nin ekolohiya kaini arog kan mahiwason na mga kadlagan, seagrass beds asin hard coral reefs na nagseserbing pagkakan asin pagbanwa para sa manlaen-laen na buhay dagat kaiba an green sea turtles, hawksbill sea turtles, manta rays, mga butanding asin mga dugong.[4] Nagkapira pang mga klase nin sira an mahihiling digdi kaiba an mga seahorse, giant clams, swordfish, snappers, groupers asin skates.[4]
An lugar nin kadlagan napapalibutan man nin mga mahihibog na kakahuyan nin bakawan na nagkukua sa atensiyon kan mga gamgam arog kan mangrove blue flycatchers, barred rails, zebra doves, kingfishers, Pacific swallows, yellow-vented bulbuls, asin chestnut munias.[5]
Sa ibong kan pagigin protektado kaini bilang sarong lugar sa may dagat, an mga istaran na ini namemeligro pa man giraray sa mga aktibidad kan mga tawo, kabali an paggamit nin dinamita asin cyanide sa pagsisira huli sa kakulangan nin potlitikal asin pinansiyal na suporta na nagreresulta sa maluyang pamamahala asin pagpaotob.[4]
Mga Panultulan
[baguhon | baguhon an source]- ↑ "Proclamation No. 288, s. 2000". Official Gazette of the Republic of the Philippines. Retrieved 12 November 2015.
- ↑ "United States coast pilot, Philippine Islands". U.S. Coast and Geodetic Survey. Retrieved 12 November 2015.
- ↑ "Proclamation No. 2151, s. 1981". Official Gazette of the Republic of the Philippines. Retrieved 12 November 2015.
- ↑ 4.0 4.1 4.2 Canoy, Ma. Easterluna S.; Roa-Quiaoit, Hilly Ann. "Ridge to Reef in the Philippines" (PDF). Xavier University Press. Archived from the original (PDF) on 4 March 2016. Retrieved 12 November 2015. Unknown parameter
|name-list-style=ignored (help); Unknown parameter|url-status=ignored (help) - ↑ "Luzon Regional Consultation" (PDF). USAid. Retrieved 12 November 2015.