Manuel Arguilla

Manuel Arguilla

Si Manuel Estabillo Arguilla (Hunyo 17, 1911–Agosto 30, 1944) sarong Ilokanong parasurat sa Ingles, heroe asin martir.

Siya namidbid huli kan saiyang mga halipot na osiponay arog kan "How My Brother Leon Brought Home a Wife", an nangengenot na istorya sa koleksiyon na How My Brother Leon Brought Home a Wife and Other Short Stories na nagkamit nin primer premyo sa Commonwealth Literary Contest kan 1940.

Napublikar an saiyang mga istorya na "Midsummer" sint "Heat" sa Estados Unidos kan Prairie Schooner.

Kadaklan kan mga usipon ni Arguilla naghlaladawan kan buhay-buhay sa Barrio Nagrebcan, Bauang, La Union kun saen siya ipinangaki. An saiyang pagkamoot sa saiyang lugar, pinagpakusog kan saiyang pakikiramas sa mga parauma sa Ilocos, asin ta ini dai nagluya maski siya huminubo na sa Manila. Natapos niya an kursong BS Education kan 1933 sa Unibersidad nin Pilipinas kun saen siya nagin kaapil sa asin paglihs nin pirang taon, presidente kan U.P. Writer's Club asin editor kan Literary Apprentice kan unibersidad.

Ikinasal siya ki Lydia Villanueva, na saro man na mahusay na parasurat sa Ingles asin sinda nag'estar sa Ermita, Maynila.

Siya nagin maestro sa mamukanaon na pagsurat (creative writing) sa University of Manila, asin dangan nagtrabaho sa Bureau of Public Welfare bilang managing editor kan Welfare Advocate, an magasin kan opisina sundo 1943. Dangan kaidto siya nanombrahan sa Board of Censors. Kan Ikaduwang Gerang Pankinaban, lihim siya hilom nas nagtugdas nin guerrilla intelligence unit laban sa mga Hapon.

Kan Oktubre 1944, siya nadakop, kinulgan na husto asin binitay kan huokbong Hapon sa Fort Santiago.

Mga Trabaho

Halipot na osipon:

• How My Brother Leon Brought Home a Wife
• Midsummer
• Heat
• Morning in Nagrebcan
• Ato
• A Son Is Born
• The Strongest Man
• Mr. Alisangco
• Though Young He Is Married
• The Maid, the Man, and the Wife
• Elias
• Imperfect Farewell
• Felisa
• The Long Vacation
• Caps and Lower Case
• The Socialists
• Epilogue to Revolt
• Apes and Men
• Rice

Toltolan

• Dictionary of Philippine Biography, Volume 3, Filipiniana Publications, Quezon City, 1986
• Filipino Writers in English by Florentino B. Valeros and Estrellita V. Gruenberg, New Day Publishers, Quezon City, 1987
• "Maysa a Ruknoy ken ni Manuel E. Arguilla," RIMAT Magazine, Quezon City, Oktubre 2004