Maria Verónica Reina
Si Maria Verónica Reina (mga 1960 – 27 Oktobre 2017) sarong dating sikolohistang edukasyonal nin Argentina asin aktibista na nagkampaya sa luwas kan nasyon para sa katanosan nin disabilidad. Siya an nanginot na paraambag sa negosasyon sa United Nations Convention on the Rights of Persons with Disabilities bilang representante kan International Disability and Development.[1][2]
Kaamayi kan buhay[baguhon | baguhon an source]
Ipinangaki sa Argentina kan kaamayi kan mga 1960, si Maria Verónica Reina nagkaigwa nin kapansanan sa sarong aksidente sa behikulo sa edad na 17 kan siya yaon sa huring taon sa pagklase. Matapos an pagpaumay sa ospital, siya dai na nakatapos nin pag-adal. Nangaturogan siyang magin sarong paratukdo alagad dai tinugotan na makalaog sa mga institusyon nin edukasyon huli ta an mga mga tawong may kakundian dai itinutugot sa magtukdo sa Argentina.[3] Nalampasan niya an bagay na ini sa paagi nin pagkua nin kursong sikolohiyang pan-edukasyon asin nakagradwar sa Universidad Católica de Santa Fe (Katolikong Unibersidad kan Santa Fe) sa Special Education for School Integration. Siya nagpadagos tanganing makakua nin master's degree sa Open and Distance Learning and Teaching gikan sa National University of Distance Education kan Espanya.[1]
Karera[baguhon | baguhon an source]
Si Reina nakaguno nin eksperyensya sa pagtrabaho sa manlainlain na institusyon kabali na an University Institute San Martin sa Rosario, Argentina; an Argentinean Disabled People Organization, Cilsa; an Center for International Rehabilitation, Chicago (1997);[4] an Institute for International Disability Advocacy; an Institute for International Cooperation and Development; an Institute for International Disability Advocacy; asin an Center for International Rehabilitation.[5][6]
Siya nagserbe bilang direktor kan international projects sa Burton Blatt Institute (BBI) kamn Unibersidad nin Syracuse sa Washington D.C. poon 2006. Kan 2008, huli sa suporta kan BBI asin kan World Bank, siya nahirang bilang pinakainot na Executive Director kan Global Partnership for Disability and Development. An pakikipagtabangan nagtutulod kan pagigin bukas sa mga tawong igwa nin kakundian sa mga polisiya asin aktibidad sa paagi kan mga ahensiyang pangpagbabago. Aktibo siyang gayo sa United Nations Ad Hoc Committee for the Disability Convention.
Sa mga pagkikipag-ulay sa UN Convention, siya nagin aktibo sa mga pangkinaban na organisasyon nin disabilidad huli sa saiyang kamawotan para sa unibersal na deretsos humano para sa mga igwang kakundian sa sarong bukas, aksesable asin sustinableng kinaban.[2] Sa saiyang papel bilang sarong Coordinator kan International Disability Caucus saiyang inirepresentar an mga tawong igwa nin kakundian sa mga negosasyon. Epektibo niyang napamahalaan an mga pag-urulay asin nakakua nin pagkasararo sa manlainlain na grupo na igwa in magkaibang mga interes. Saiyang pinamayohan an mga urulay asin komperensya, mga komunikasyon asin nakipagtabangan para sa pagpalis asin pagbariwas kan mga dokumentasyon sa Espansyol para sa Latin America.[1]
Kan mga bulan bago siya magadan, siya nagtabang tanganing maitulod an pagigin epektibo kan Stakeholder Group of Persons with Disabilities sa irarom kan International Disability Alliance. Sa sarong urulay nin konsultasyon sa United Nations sa Buenos Aires, saiyang hinurot na ipautob an papel kan komunidad nin mga may kakundian sa pagpautob kan Kombensyon sa Deretsos kan mga Tawong igwa nin Kakundian.
Si Maria Verónica Reina nagadan sa saiyang banwaan sa Rosario, kan 27 Oktobre 2017. Siya 54 anyos.[2]
Toltolan[baguhon | baguhon an source]
- ↑ 1.0 1.1 1.2 "Dear Colleague and former director of BBI international programs, Maria Veronica Reina, Passes Away in Argentina". Burton Blatt Institute. 31 October 2017. Retrieved 10 March 2020.
- ↑ 2.0 2.1 2.2 "Passing of Ms Maria Veronica Reina". United Nations: Department of Economic and Social Affairs, Disability. 31 October 2017. Retrieved 10 March 2020.
- ↑ "Ich bin anders, aber gleich (3): Maria Veronica Reina, Argentinien/USA" (in German). Rolling Planet. 25 January 2012. Retrieved 10 March 2020.
- ↑ "Center for International Rehabilitation". GuideStar. Retrieved 10 March 2020.
- ↑ "[Syracuse University News] Global disability and poverty efforts get key boost from agreement between SU's Burton Blatt Institute and World Bank". Syracuse University. 29 January 2008. Retrieved 10 March 2020.
- ↑ "World Bank, Syracuse U. Join Forces Against Poverty Among Disabled People". We Can Do. 2 February 2008. Retrieved 10 March 2020.
