Mary Jackson (inhinyero)
| Mary Jackson | |
|---|---|
.jpg) Si Mary Jackson kaidtong 1979 | |
| Kamundagan | Mary Winston Abril 9, 1921 Hampton, Virginia, US |
| Kagadanan | Pebrero 11, 2005 (edad 83) Hampton, Virginia, US |
Lulubngan | Bethel AME Church Cemetery, Hampton, Virginia |
| Alma mater | Hampton Institute |
| Mga aki | 2 |
| Karera sa siyensya | |
| Lado | Aerospace engineering, matematika |
| Institusyon | NASA |
Si Mary Jackson (née Winston,[1] Abril 9, 1921 – Pebrero 11, 2005) iyo sarong Amerikanong matematiko asin aeroespasyong inhinyero sa National Advisory Committee for Aeronautics (NACA), na kaidtong 1958 iyo pigribayan kan National Aeronautics and Space Administration (NASA). Nagtrabaho siya sa Langley Research Center sa Hampton, Virginia, sa mayorya kan saiyang karera. Nagpoon siya bilang parakompyut sa segregadong dibisyon nin West Area Computing kan 1951. Nagkua man siya nin mga halangkaw na pang-inhinyeriyang klase, asin kan 1958 iyo nagin pinakaenot na itom na babaying inhinyero kan NASA.
Pagkatapos nin 34 na taon sa NASA, si Jackson iyo naguno an pinakasenyor na yayaong inhinyerong titulo. Narealisar niya na dae siya makakakua nin mga promosyon nin dae nagigin sarong superbisor. Pig-ako niya an sarong demosyon para magin manager sa parehas na Federal Women's Program, sa NASA Office of Equal Opportunity Programs asin sa Affirmative Action Program. Sa pagganap na ini, nagtrabaho siya para impluwensyahan an pag-ako asin promosyon nin mga babayi sa karera nin siyensya, inhenyeriya, asin matematika sa NASA.
An buhay ni Jackson iyo naitampok sa bakong-piksyon na librong Hidden Figures: The American Dream and the Untold Story of the Black Women Who Helped Win the Space Race kan 2016. Saro siya sa tolong bida sa Hidden Figures, an adaptasyong pelikula na pigluwas kan kaparehong taon.
Kan 2019, si Jackson piggawadan nin Congressional Gold Medal.[2] Kan 2020 an pamayong kwarterya sa Washington, D.C. kan NASA iyo liwat pigpangaranan bilang Mary W. Jackson NASA Headquarters. An NASA iyo nagkaigwa nin sarong birtwal na seremonya sa pagngaran.[3]
Panluwas na takod
[baguhon | baguhon an source] |
An Wikimedia Commons igwa nin medya dapit sa Mary Jackson. |
- "The Human Computer Project". Archived from the original on August 6, 2016. Retrieved February 2, 2017. Unknown parameter
|url-status=ignored (help) - Mary Winston Jackson sa Find a Grave
Toltolan
[baguhon | baguhon an source]- ↑ "Mary Jackson". Encyclopædia Britannica. Encyclopædia Britannica, Inc. April 5, 2019. Retrieved June 11, 2019.
- ↑ "H.R.1396 - Hidden Figures Congressional Gold Medal Act". Congress.gov. Retrieved November 9, 2019.
- ↑ NASA (26 February 2021). "NASA ceremony to name headquarters after Hidden Figure Mary W. Jackson". YouTube. Retrieved 26 February 2021. Unknown parameter
|url-status=ignored (help)
