Max Berg
Si Max Berg (17 Abril 1870 – 22 Enero 1947) sarong arkitektong Aleman asin urban planner.
Si Berg namundag sa Stettin (Ngonyan Szczecin, Polako) na dati-Aleman, parte kan Pomerania. Nag'adal siya sa Technical University in Charlottenburg, kun saen natukdoan ni Carl Schäfer, sarong arkitektong mas suno an arkitekturang Gothic. Si Berg natukdoan man ni Franz Adickes (1846–1915), sarong prominenteng urban planner.
Kan 1909 si Berg nanombrahan bilang hepeng opisyal sa konstruksyon sa Breslau (ngonyan Wrocław, Polako), sa dati-Aleman na Silesia. An saro sa orog na naoonambitan na ambag niya sa arkitektura iyo an Jahrhunderthalle (Centennial Hall) na tinogodok sa pag'oltan kan taon 1911 asin 1913 bilang parte kan serye nin mga trabaho sa pagkomemorar kan ika-100 na anibersaryo kan 1813 Gera sa Pagtalingkas kontra ki Napoleon Bonaparte. An An Bidang sarong importanteng tandaan kan pinapusog-na-konkretong-edipisyo Europeo, nakayang magtagal sa Ikaduwang Gerang Pankinaban asin kan 2006 pigdeklarang World Heritage Site.
Iba pang obra niya sa Breslau (Wrocław) kabali an saodan (sarong dakulaon na konkretong estruktura na may matabilog na mga arko alagad naghitsurang tradisyonal sa panluwas), asin an sarong edipisyong pang'opisina sa sur-solnopan na banda kan plasa.
Kan 1925, taon na binutsan niya an saiyang karera sa arkitektura a pabor kan Kristiyanong mistisismo,[1] si Berg naghubo' sa Berlin dangan sa Baden-Baden, kun saen duman na siya nagadan kan 1947, edad 76.
