Maxwell Tylden Masters

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Cymbidium mastersii, saro sa tinanom inginaran ki Masters


Si Maxwell Tylden Masters FRS (15 Abril 1833 – 30 Mayo 1907) sarong Ingles na botaniko asin taksonomo. Aki siya ni William Masters na saro man na botaniko asin kagsurat kan Hortus duroverni.

Buhay asin karera[liwaton | liwaton an gikanan]

Siya nag'adal sa King's College London asin sa University of St Andrews. Siya namimidbid na gayo na saiyang mga obra orog na sa Teratolohiya sa mga Gulay (an abnormal na mutasyon) sa ibang mga species kaini asin an trabaho niya sa pag'adal kan mga tinanom Tsino, orog na an mga conifers, kun saen pigladawan niya an mga bagong species na nadiskubre ni Ernest Henry Wilson. An inapod na larch Larix mastersiana asin Nepenthes hybrid N. × mastersiana iyo an inginaran saiya bilang pag'onra. Siya nagin man editor kan Gardener's Chronicle (pag'oltan 1866-1907) na kun saen nakakaulay niya si Charles Darwin. Pinagpaapil siya bilang myembro kan Royal Society kan taon 1870.[1][2]

Nagadan siya sa Mount, Ealing asin pinag'abo an saiyang bangkay sa Woking.[3]

Pamilya[liwaton | liwaton an gikanan]

Kan 1858 naagom niya si Ellen, aking babae ni William Tress. Apat na aki an ibinunga kan saindang pagsasaro. An saiyang agom asin mga aki nabubuhay pa kan siya nagtalikod sa kinaban..[4]

Mga panluwas na takod[liwaton | liwaton an gikanan]

Toltolan[liwaton | liwaton an gikanan]

  1. [1] plants.jstor.org. Kinua 07-07-17
  2. [2] www.revolvy.com. Kinua 07-0717
  3. [3] www.revolvy.com. Kinua 07-0717
  4. [4] www.revolvy.com. Kinua 07-0717