Mekanikang kwantum

Gikan sa Bikol Sentral na Wikipedia, an talingkas na ensiklopedya
An mga wave function kan elektron sa hidrohenong atomo sa manlainlain na mga enerhiyang lebel. An mekanikang kwantum dae kayang mahulaan an eksaktong lokasyon kan sarong partikulo sa espasyo, kundi an probabilidad sana sa paghanap kaini sa manlainlain na lokasyon.[1] An mas masulaw na lugar iyo boot-sabihon na mas halangkaw na probabilidad na mahanap an elektron.

An mekanikang kwantum (Ingles: quantum mechanics) iyo sarong pundamental na teorya kan pisika na minatao nin deskripsyon sa pisikal na karakter kan kapalibotan sa sukol nin mga atomo asin sub-atomikong partikulo.[2] Ini an pundasyon kan gabos na pisikang kwantum kabalo an kimikang kwantum, teoryang kwantum na lado, teknolohiyang kwantum, asin an siyensyang kwantum na impormasyon.

An klasikal na pisika, an deskripsyon kan pisika bago an teorya nin relatibidad asin mekanikang kwantum, iyo pigpapaliwanag an nagkapirang aspeto kan kapalibotan sa ordinaryong (makroskopikong) sukol, mientras an mekanikang kwantum nagpapaliwanag sa mga aspeto kan kapalibotan sa sadit (atomiko asin sub-atomiko) na sukol, kun sain an klasikal na mekanika iyo dae sapat. An kadaklang teorya sa klasikal na pisika iyo pwedeng maderiba gikan sa mekanikang kwantum bilang sarong aproksimasyong balido sa dakulang (makroskopiko) sukol.[3]

An mekanikang kwantum iyo lain sa klasikal na pisika kun sain an enerhiya, momentum, angular na momentum, asin iba pang kantidad kan sarong katakod na sistema iyo narerestriktohan sa diskretong bilang (kwantisasyon), an mga bagay iyo parehas na may karakteristiko ka parehas na partikulo asin wave (wave-partikulo na dualidad), asin igwa nin mga limitasyon sa kun pano kamarhay an halaga kan sarong pisikal na kantidad kayang mahulaan bago an pagsukol kaini, sa kompletong katiripunan nin mga kapinunang kondisyon (an daeng-kasiguradohang prinsipyo).

Panluwas na takod[baguhon | baguhon an source]

Kursong materyal
Pilosopiya

Toltolan[baguhon | baguhon an source]

  1. Born, M. (1926). "Zur Quantenmechanik der Stoßvorgänge". Zeitschrift für Physik 37 (12): 863–867. doi:10.1007/BF01397477. Bibcode1926ZPhy...37..863B. 
  2. Feynman, Richard; Leighton, Robert; Sands, Matthew (1964). The Feynman Lectures on Physics. 3. California Institute of Technology. ISBN 978-0201500646. Retrieved 19 December 2020.
  3. Jaeger, Gregg (September 2014). "What in the (quantum) world is macroscopic?". American Journal of Physics 82 (9): 896–905. doi:10.1119/1.4878358. Bibcode2014AmJPh..82..896J.