Miguel López de Legazpi
| Miguel López de Legazpi | |
|---|---|
| |
| Gobernador-Heneral kan Spanish East Indies | |
| Termino Abril 27, 1565 – Agosto 20, 1572 | |
| Monarch | Felipe II |
| Suminunod ki | Inaugural holder |
| Sinundan ni | Guido de Lavezaris |
| Personal na mga detalye | |
| Kamundagan | Miguel López de Legazpi c. 1502 Zumarraga, Gipuzkoa, Crown of Castile |
| Kagadanan | Agosto 20, 1572 (aged 69–70) Intramuros, Manila, Captaincy General of the Philippines |
| Lulubngan | Simbahan nin San Agustin, Manila |
Si Miguel López de Legazpi (Pagsayod sa Espanyol: [miˈɣel ˈlopeθ ð e leˈɣaθpi]; c. 1502 – Agosto 20, 1572), na bantog man sa bansag na El Adelantado asin El Viejo (An Matua), sarong Kastila na nabigador asin gobernador na iyo an nagtugdas kan pinaka-enot na kolonya Espanyol sa East Indies kan an saiyang ekspidisyon nagbagtas sa Dagat Pasipiko haleng Viceroyalty nin Bagong Espanya na iyo na ngonyan an modernong Mehiko. Siya nag'abot sa Cebu, Filipinas kan 1565. Siya an pinaka-enot na Gobernador-Heneral kan inapod na Spanish East Indies, lugar na iyo an Filipinas asin iba pang pagtaraid arog kan Guam asin Isla nin Marianas. Pakasupil niya asin pakapatoninong niya kan iba-ibang mga tribu asin kahadean, ginibong niyang kabesera an Syudad nin Cebu kan sinasabing Spanish East Indies kan taon 1565 asin ngapit ipighubo niya an kabesera kaini sa Manila kan taon 1571. Saiyang sinupil mga moslem na kaghade igdi asin itinugdas niya an kuta nin Intramuros. An Manila iyo na an nagin dakulang pwerto nin negosyo asin komersyo. [1][2]
An kabeserang syudad kan probinsya nin Albay na iyo an Legazpi dinadara an saiyang pangaran.[3]
Mga kaamayan kan mga taon
[baguhon | baguhon an source]
Namundag kan 1502, si Miguel López de Legazpi iyo an pinakangohod na aki ni Don Juan Martínez López de Legazpi asin ni Doña Elvira de Gurruchátegui. Siya namundag sa pamilyang noble asin siya nagdakula sa Zumárraga, sa Basque, probinsya nin Guipúzcoa sa Espanya.
Mehiko
[baguhon | baguhon an source]Kan 1528, si Hernán Cortés nagpundar nin mga banwa sa Norte Amerika asin si Miguel Lopez de Legazpi nagpasiring sa Mehiko, na inapod Bagong Espanya ngani magbagong-buhay. Nagadan na saiyang mga magurang, siya pati nagmundo kan an mga rogaring kan mga magurang niya nakua sana gabos kan saiyang matuang tugang. Sa Tlaxcala, siya nagtrabaho sa poder ni Juan Garcés asin kan tugang kaining babae, si Isabel Garcés. Dangan saiya nang naagom si Isabel asin sinda nagkaigwa nin siyam na aki. Si Isabel nagadan katahawan kan 1550. Nagin man siyang gobernador sibil kan Siyudad nin Mehiko kan mga taon 1559.
