Jump to content

Simbahan nin San Agustin (Manila)

Gikan sa Bikol Sentral na Wikipedia, an talingkas na ensiklopedya
San Agustin Church
Archdiocesan Shrine of Our Lady of Consolation and Cincture
Immaculate Conception Parish
Santuario Arquidiocesano de Nuestra Señora de la Consolación y Correa
Simbahan ng San Agustin
Iglesia de San Agustín
Surungan kan Simbahan nin San Agustin
14°35′20.1″N 120°58′31.2″E / 14.588917°N 120.975333°E / 14.588917; 120.975333Tagboan: 14°35′20.1″N 120°58′31.2″E / 14.588917°N 120.975333°E / 14.588917; 120.975333
LokasyonIntramuros, Manila
NasyonFilipinas
DenominasyonRoman Catholic
History
Mga nagligad na ngaranIglesia de San Pablo de Manila
Naitogdas1571
KagtogdasOrder of St. Augustine (Province of the Most Holy Name of Jesus of the Philippines)
DedikasyonSt. Paul
Pigkonsekrado kan1607
Architecture
Minaganang kamugtajabAktibo
Pamanang designasyonWorld Heritage Site
Designasyon1993
Mga arkitektoJuan Macías
IstiloBaroque
Pagbukas1586
Nakompleto19 Enero 1607
Specifications
Laba67.15 m (220.3 ft)
Hiwas24.93 m (81.8 ft)
Bilang nin mga ispiro1 (an ikaduwang kampanaryo narugba kan 1880)
Mga materyalesAdobe mga gapo
Administration
ArkidiyosisKatoliko Romanong Arkidyoseses nin Manila
ProbinsyaManila
Clergy
ArsobispoJose Cardinal Advincula
Mga padiRev. Fr. Asís Rambuyon Bajao, O.S.A.
UNESCO World Heritage Site
UNESCO World Heritage Site
Parte kanBaroque Churches of the Philippines
KrayteriyaPlantilya:UNESCO WHS type(ii)(iv)
Toltolan677bis-001
Inskripsyon2037 (61st Sesyon)
Mga pagpapalaba2013
Lugar2.43 ha (262,000 sq ft)
Buffer zone106.13 ha (11,424,000 sq ft)

An Simbahan nin San Agustin (Filipino: Simbahan ng San Agustin, Spanish: Iglesia de San Agustín), na midbid man sa apod na Archdiocesan Shrine of Our Lady of Consolation and Cincture (Spanish: Santuario Arquidiocesano de Nuestra Señora de la Consolación y Correa) asin Immaculate Conception Parish (Filipino: Parokya ng Imakulada Conception, Spanish: Parroquia de la Inmaculada Concepción), sarong Katoliko Romanong simbahan sa irarom nin pagmamato kan Orden ni San Agustin (Probinsya nin Kabanal-banaling Pangaran ni Hesus nin Filipinas) namumugtak sa laog kan historikong pinagpader na siyudad nin Intramuros nin Manila. Nahaman kan 1607, ini an pinakagurang na gapong simbahan sa nasyon, nag'eedad nang 413 na taon.[1][2]

Kan 1993, an Simbahan nin San Agustin iyo an saro sa apat na simbahan sa Filipinas na natugdok durante kan Peryodo Espanyol kolonyal na nadesignar komo World Heritage Site kan UNESCO, sa irarom kan titulong kolektibo na Baroque Churches of the Philippines. An tolo pang simbahan iyo an sa Paoay, Ilocos Norte; Sta Maria, Ilocos Sur; asin sa Miagao, Iloilo. [3] Ini pinagtandaan na National Historical Landmark kan gobyerno Filipino kan 1976.[4]

Agi-agi kan simbahan[baguhon | baguhon an source]

Orihinalmente, gibo sa kawayan asin tiklad nin nipa, ini nahaman kan 1571, alagad natotong kan kasulo nangyari kan Desyembre 1574 durante kan magngata' an pwersa ni Limahong na lusobon an Manila.[5][6] Ikaduwang estrukturang kahoy itinugdok sa parehong lugar[6] narugba' kan magkasulo igdi kan Pebrero 1583 ta sarong kandila namakotan an mga kurtina kan nagbibilar sa pagpatente kan pagkagadan ni Espanyol Gobernador-Heneral na si Gonzalo Ronquillo de Peñalosa.[5]

An mga Agustino tinugdok liwat an nasulong simbahan alagad gibo na sa radrillo asin gapo, pati na nagdugang nin kataid na monasteryo. Nagpoon konstruksyon kan 1586, basado sa desenyo ni Juan Macías.[7][6] An estruktura ginbo sa radrilyo na pighonggad sa Meycauayan, Binangonan asin sa San Mateo, Rizal.[8] Maluwayon patrabaho gibo kan maipo an materyales asin kulang an mga trabahador na kantero.[6] An monasteryo natapos kan 1604, asin an simbahan nabuksan pormal kan 19 Enero 1607 asin pigtawan pangaran na Simbahan nin San Paul nin Manila.[6] Si Macías, na nagadan bago nahaman an simbahan, pigdeklara opisyalmente kan mga Agustino na iyo an kag-tugdok kan edipisyo.[9]

Nin huli kan kagurangan na kan simbahan na ini, na lampas nang 400, dakulon pang mga pangyayaring historikal an nasaksihan asin nakadamay ngani pa an nasabing simbahan. Kan panahon kolonyal Espanyol, kan 1762, an pwersang Briton, durante kan Pitong Taon na Gera, sinalakat asin hinabonan an simbahan. Kan 1898, an simbahan na ini iyo an piniling lugar kan mga Amerikano asin Espanyol sa pag'urulay asin pagpirma kaini sa pagsuko kan Manila sa pwersa Amerikano.

Durante kan Ikaduwang Gerang Pankinaban, an pwersang Hapon ginibo an simbahan na kampo konsentrasyon kan mga preso. Manta na an batalya sa Manila kan 1945 naghihinapos, an mga Hapon pigkulong mga padi asin ginatos na mga residente sa laog kan simbahan. Ngani mapalayas an mga Hapon nagpapa-ipli sa laog, an pwersang Amerikano asin Filipino nagkondukta nin air raid sa Intramuros. Gibo kaini, mga estruktura sa laog kan pinader na siyudad biyo na nagkagaraba alagad milagrosong an Simbahan nin San Agustin mismo nakatindog pa giraray; saro ini sa kakadikit na nawalat bilog sa Intramuros pakatapos kan gera.[10]

An panoramikong tatanawon sa laog kan Simbahan nin San Agustin

Toltolan[baguhon | baguhon an source]

  1. Galende, Pedro G.; Javellana, René B. (1993). Great Churches of the Philippines. Bookmark. pp. 34–35. ISBN 9789715690638. 
  2. https://www.zenrooms.com/blog/san-agustin-church-manila/.Kinua[permanent dead link] 05-28-22
  3. "Baroque Churches of the Philippines". UNESCO World Heritage Centre. Retrieved on 20 January 2012.
  4. https://www.zenrooms.com/blog/san-agustin-church-manila/ Archived 2022-05-28 at the Wayback Machine.. Kinua 05-28-22
  5. 5.0 5.1 Torres, p. 62
  6. 6.0 6.1 6.2 6.3 6.4 Aluit, p. 40
  7. Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na ph
  8. Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na lay4
  9. Aluit, p. 41
  10. https://www.zenrooms.com/blog/san-agustin-church-manila/ Archived 2022-05-28 at the Wayback Machine.. Kinua 05-28-22