Mga halimbawa kan kristalikong porma nin molibdeno
An molibdeno (Ingles: molybdenum) iyo sarong elementong kimikal na may atomikong simbolong Mo asin atomikong bilang na 42. An ngaran iyo gikan sa taramong Neo-Latin na molybdaenum, na iyo nakabase sa taramong Suanoy na Griyego na Μόλυβδοςmolybdos, na boot-sabihon iyo "tingga", huli ta an mga ore kaini iyo nariribong sa mga ore kan tingga.[1] An mga mineral kan molibdeno iyo bistado sa bilog na historya, pero an elemento iyo nadiskobre (sa paglain kaini sa bagong entidad gikan sa mga mineral na asi nin iba pang mga metal) kaidtong 1778 ni Carl Wilhelm Scheele. An metal iyo enot na naisuway kaidtong 1781 ni Peter Jacob Hjelm.[2]
An molibdeno dae natural na yayaon sa Kinaban bilang sarong talingkas na metal; mahihiling sana ini sa nagkapirang mga estadong oksidasyon sa mga mineral. An talingkas na elemento, sarong garu pirak na metal na may grey na kasto, iyo an may ikaanom na pinakahalangkaw na punto nin pagkatunaw sa maski anong elemento. Ini iyo minahimo nin matagas, estableng karbidyo sa mga alloy, asin sa rasong ini an harus na pankinabang produksyon kan elemento (harus 80%) iyo ginagamit sa mga alloy nin steel, kabale an mga makukusog na alloy asin superalloy.
