Seaborgyo

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An Elemento 106 iyo pigpangaran pakatapos ki Glenn T. Seaborg, saro sa mga nangenot sa pagkadiskobre nin mga sintetikong elemento, sa ngaran na seaborgyo (Sg).

An seaborgyo (Ingles: seaborgium) iyo sarong sintetikong elementong kimikal na may simbolong Sg asin atomikong bilang na 106. Pigpangaran ini pakatapos sa Amerikanong kimikong nukleyar na si Glenn T. Seaborg. Bilang sarong sintetikong elemento, pwede ining mamokna sa laboratoryo pero dae nahihiling sa kapalibotan. Radyoaktibo man ini; an pinakapusog kaining bistadong isotopo, 269Sg, igwa nin kabangang-buhay na harus 14 minuto.[1]

Kaidtong 1974, nagkapirang mga atomo kan seaborgyo an namokna sa mga laboratoryo sa Soviet Union asin sa Estados Unidos. An prayoridad sa pagkadiskobre asin dagos sa pagngaran kan elemento iyo pinag-iiwalan sa tahaw nin mga Sobyet asin Amerikanong siyentista, asin sa pag-abot kan 1997 na an International Union of Pure and Applied Chemistry (IUPAC) pigheras na "seaborgyo" an magigin opisyal na ngaran kan elemento. Saro ini sa duwa sanang elemento na pinangaranan pakatapos sa nabubuhay na tawo sa oras kan pagtao nin ngaran, an saro iyo an oganesson na elemento 118.

Panluwas na takod[liwaton | liwaton an gikanan]

Toltolan[liwaton | liwaton an gikanan]

  1. Utyonkov, V. K.; Brewer, N. T.; Oganessian, Yu. Ts.; Rykaczewski, K. P.; Abdullin, F. Sh.; Dimitriev, S. N.; Grzywacz, R. K.; Itkis, M. G.; Miernik, K.; Polyakov, A. N.; Roberto, J. B.; Sagaidak, R. N.; Shirokovsky, I. V.; Shumeiko, M. V.; Tsyganov, Yu. S.; Voinov, A. A.; Subbotin, V. G.; Sukhov, A. M.; Karpov, A. V.; Popeko, A. G.; Sabel'nikov, A. V.; Svirikhin, A. I.; Vostokin, G. K.; Hamilton, J. H.; Kovrinzhykh, N. D.; Schlattauer, L.; Stoyer, M. A.; Gan, Z.; Huang, W. X.; Ma, L. (30 January 2018). "Neutron-deficient superheavy nuclei obtained in the 240Pu+48Ca reaction". Physical Review C. 97 (14320): 014320. Bibcode:2018PhRvC..97a4320U. doi:10.1103/PhysRevC.97.014320.