Natalie Wood
Si Natalie Wood, namundag sa pangaran na Natalia Nikolaevna Zakharenko (Ruso: Наталья Николаевна Захаренко)[1] (Hulyo 20, 1938 – Nobyembre 29, 1981), sarong aktres na Amerikano.
Si Wood nagpoon sa akting sa mga pelikula sa edad na apat asin nagin sarong sikat na aking aktress sa mga pelikulang arog kan Miracle on 34th Street (1947). Kan marayrahay si akting niya katampad si James Dean sa Rebel Without a Cause (1955), nakua niya an nominasyon para sa Academy Award for Best Supporting Actress na iyo an nakatabang saiya paghale sa pag'akting bilang sarong aki sana. Dangan siya nagpapel sa mga musikal, arog kan West Side Story (1961) asin Gypsy (1962). Nasikwit niya man an mga nominasyon para sa Academy Award for Best Actress huli sa pagpapel sa mga pelikulang Splendor in the Grass (1961) asin Love with the Proper Stranger (1963).
An karera niya padagos nagrambong sa sunodsunod na mga pelikula arog kan Bob & Carol & Ted & Alice (1969). Dangan pakatapos kaini, nagpahingalo siya ta nag'aking duwa, nagluwas sana sa mga pelikulang pangteatro kan mga taon 1970. Napangagom siyang duwang beses ki Robert Wagner, asin sa prodyuser na si Richard Gregson. Igwa siyang sarong aking babae sa lambang saro: si Natasha Gregson asin si Courtney Wagner. Siya nagtapsok man sa pagpapel sa mga produksyon sa telebisyon, kabali na diyan an hinaman liwat na pelikulang From Here to Eternity (1979) kun saen nagguno' siya kan Golden Globe Award.
Si Wood nalamos sa may Santa Catalina Island, California sa edad na 43 kan an produksyon kan Brainstorm (1983) pighahaman, katampad si Christopher Walken. An saiyang kagadanan pigdeklarang sarong aksidente. Alagad, kan Nobyembre 17, 2011, an kaso binuksan giraray huli sa mga bagong pagbuyagyag nin sarong testigo. .[2][3]
Toltolan
[baguhon | baguhon an source]- ↑ Wilkins, Barbara. Second Time's the Charm – Marriage, Natalie Wood, Robert Wagner. People.com. http://www.people.com/people/archive/article/0,,20067214,00.html. Retrieved on March 11, 2010.
- ↑ "Captain: Wagner responsible for Wood death", CBS News, Nov. 18, 2011
- ↑ Martinez, Michael (November 18, 2011). "Police: Robert Wagner not a suspect in new probe of Natalie Wood's death". CNN. http://www.cnn.com/2011/11/18/justice/california-natalie-wood/?hpt=hp_c2. Retrieved on November 18, 2011.
