Nathan Sergio

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
David Casper Nathan Sergio
MinundaganSyudad nin Naga
KasibotanPolitiko, tagahiro pangkultura
NasyunalidadFilipino
LahìBikolano
Alma materAteneo de Naga na Unibersidad
Bantog na giboPersons with Disabilities Affairs Office (PDAO)
Mga bantog na gawadPublic Servant of the Year Award
Dangal ng Bayan Award
Disabled Filipino of the Year
Si Nathan Sergio

Si David Casper Nathan Sergio (gikan Buhi, Camarines Sur) sarong Bikolanong politiko, tagahiro pankultura asin resipyente nin Disabled Filipino of the Year Award. Nagtapos siya nin sekondarya kan 1984 asin kolehiyo sa Ateneo de Naga kan 1988. Kan parehong taon, napili siya bilang City Youth Mayor. [1]

Si Sergio naelihir bilang konsehal kan Syudad nin Naga kan 2007, 2010 asin 2013. Saiyang itinulod an pagkamukna kan opinisina para sa mga may kakundian, an Persons with Disabilities Affairs Office (PDAO) na nagdara nin mga programa asin asistensya para sa mga PWDs asin senior citizen. Saiya man na ibinusol an pagkakaigwa kan Naga City Blood Council na saiyang pinamayohan sagkod 2015. Ini nagawadan kan National Sandugo Award nin tulong beses.[2]

Kan 2011, saro si Sergio sa mga minidbid kan Gawad Apolinario Mabini, sarong program kan Foundation for the Rehabilitation of the Disabled (PFRD) na nag-oonra sa mga tawong may kakundian na naglataw sa saindang piniling karera.[3][4] Resipyente man siya nin Dangal ng Bayan Award hali sa Komisyon sa Serbisyo Publiko siring man kag-ako kan Public Servant of the Year Award hali sa Kilosbayan Foundation asin GMA-7 Foundation.

Myembro siya kan Sumaro Bikolnon asin bise presidente kan Nueva Caceres Heritage Movement kun sain saiyang itinulod sa konseho an nagkapirang mga aktibidad asin proyekto dapit sa pagpapahalaga sa kultura asin historya kan Bikol siring kan pagselebrar kan Philippine-Spanish Friendship Day asin Ika-150ng Taon nin Kaaldawan ni Jose Maria Panganiban sa Syudad nin Naga.[5]

Mga ladawan[liwaton | liwaton an gikanan]

Toltolan[liwaton | liwaton an gikanan]

  1. Hon. David Casper Nathan Sergio Naga Smiles Vol. 3 Issues 3 & 4. July-December 2012
  2. BONGAT-SERGIO FALLOUT WORSENS Councilor eyes exposés behind lost directorship Bicol Standard (pighugot 2015-03-10)
  3. Naga City Councilor Sergio, 26th Mabini‘s Disabled Filipino of the Year Awardee Philippine Information Agency (pighugot 2015-03-10)
  4. Disabled Filipino of the Year” is Naga City’s busiest civil servant Bayanihan (pighugot 2015-03-10)
  5. Naga to celebrate PH-Spanish friendship day Bicol Mail (pighugot 2015-03-11)

Mga panluwas na takod[liwaton | liwaton an gikanan]