Nueva Caceres Heritage Movement

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Selyo kan NCHM
Urulay kan NCHM

An Nueva Caceres Heritage Movement, Inc. sarong organisasyon na naka-base sa Syudad nin Naga na igwa nin katuyohan na pagbantog kan pagpangataman kan pamanang yaman kan Kabikolan asin manginotan sa pagtulod kan pagpangataman, pagpadanay asin pagsulit kan mga pamanang istruktura asin lugar siring man kulturang pamana sa syudad saka pagtaraid na komunidad.[1][2]

Pagpoon kan organisasyon[liwaton | liwaton an gikanan]

Kan 2013, an Centro Naga Business Club (CNBC), United Architects of the Philippines (UAP) Camarines Sur Chapter asin Sumaro Bikolnon nagpadrino kan tulong aldaw na seminar-worksyap sa Akta Republika Blg. 10006 o an National Heritage Act of 2009. Sa ikaduwang aldaw kan seminar-worksyap, ginibo an pagbungsod kan libro ni Danilo Madrid Gerona na igwa nin titulong La Ciudad de Nueva Caceres: the Rise of the Sixteenth Century Spanish City. An mga myembro kan tulong organisasyon na ini asin nagkapirang partisipante kan seminar-worksyap nagtiripon asin nagmukna nin sarong grupo na matulod sa pagpangataman kan pamanang kultural sa Kabikolan.

Napili bilang hunta direktiba kan organisasyon iyo sinda Rosa Pilar D. de Guzman kan CNBC bilang Tagapamayo, Fr. Nunilo Bancaso, Jr., Ramon Olaño, Jr. kan Sumaro Bikolnon, Danilo Gerona, DC Nathan Sergio, Badette F. Roco, Architect Oliver V. Gulapa, Architect Josenia B. Merencilla, Sor Soledad F. Espaldon, D.C., Simeon DL. Bonacua, asin J. Antonio Amparado.

Inot na pinamayohan an organisasyon kan minasunod na opisyal:

  • Presidente: Rosa Pilar D. de Guzman
  • Bise-Presidente: Nathan Sergio
  • Sekretarya: Josenia B. Merencillo
  • Tesorera: Badette F. Roco
  • Auditor: Fr. Nunilo Bancaso
  • P.I.O.: Oliver V. Gulapa
  • Financial Adviser: Simeon D.L. Bonacua

Mga aktibidad asin proyekto[liwaton | liwaton an gikanan]

Saro an organisasyon sa mga nagtulod kan selebrasyon kan Philippine-Spanish Friendship Day siring man kan Ika-150ng Taon nin Kaaldawan ni Jose Maria Panganiban sa Syudad nin Naga.[3]

Kan Abril 30, 2015, sa enot na anibersaryo kani, an kasararoan nagbunsod kan Premyo Bahandi para sa Arte asin Kultura asin an pinakaenot na ginawaran kan Papremyo iyo si Abogado Gualberto Cea Manlagnit bilang saro sa pinakamahusay na pararawitdawit sa lenggwaheng Bikol, bilang pintor, peryodista, asin kaggibo kan 3-tomo na diksyunaryong Ingles-Bikol.[4]

An kaayonan igot man ipigtutulod an pag'kurit palaen kan lugar sa syudad nin Naga na Lumang Sentro bilang Heritage District o Distrito Pamana sa pagtubod na dapat masaray an lugar na pano nin pagromdom kan mga nakaaging panahon na pagsasalingoyon ngapit kan kapag'araking maarabot.

Toltolan[liwaton | liwaton an gikanan]

  1. New heritage society formed Bicol Mail (pighugot 2015-07-03)
  2. Nueva Caceres Heritage Movement Inc.: History, Initiatives and FuturePlans in Amistad:Philippine-Spanish Friendship Day souvenir magazine (June 30, 2018)
  3. Naga to celebrate PH-Spanish friendship day Bicol Mail (pighugot 2015-03-11)
  4. http://news.pia.gov.ph/article/view/861430721488/nueva-caceres-heritage-movement-celebrates-1st-anniversary-honors-first-bahandi-awardee Minua 6-05-15

Hilingon man[liwaton | liwaton an gikanan]