Nepenthes sericea
| Nepenthes sericea | |
|---|---|
Sayantipiko na klasipikasyon 
| |
| Kahadean: | Plantae |
| Klado: | Angiosperms |
| Klado: | Eudicots |
| Klado: | Core eudicots |
| Orden: | Caryophyllales |
| Pamilya: | Nepenthaceae |
| Genus: | Nepenthes |
| Espesyes: | Template:Taxonomy/NepenthesN. sericea
|
| Ngaran binomyal | |
| Template:Taxonomy/NepenthesNepenthes sericea Golos, Wistuba, G.Lim, Mey, S.McPherson & A.S.Rob., 2023[1]
| |
An Nepenthes sericea sarong tropikal na tinanom na puro-pitsel igdi sa norte-sentral kan Girilngatan Bukid Titiwangsa sa Peninsular Malasya asin partikularmenteng bisto sa Dagang-Kalangkawan kan Cameron. An Nepenthes sericea mabibisto sa kaagid na Nepenthes macfarlanei kan mga puro-pitsel kaini na igwang mahibog na tahob nin awat na buhok na 2 mm an laba o mas halipot, mantang an huri may darakul na mahihibog na mga buhok na 5-12 mm an laba. Dangan man, an mga pantaas na puro-pitsel kan N. sericea pwedeng magin magsalang enterong infundibular o pabalisu'so' na may pagkipot sa ibabang diit kan peristomyo, o an ibang tanom tibaad may iris sa tahaw kan pantaas na puro-pitsel kun sain ini napuon magin korteng silindrikal hanggan sub-infundibular pakataas kaining iris. Sa kabaliktaran, an nasa itaas na mga puro-pitsel kan N. macfarlanei sa pangkagabsan bilog na infundibular asin tibaad igwa o mayo nin iris na presente sa gayong ibaba kan peristomyo.[1]
Etymolohiya
[baguhon | baguhon an source]An pangaran para sa espesye na ini, an "sericea"", hale sa tataramon Latin na "silken", ipinapanungod sa mga notableng pinong buhok na mas malomhok sa hapros kumpara sa magaspang na salagisog kan Nepenthes macfarlanei.[1]
Penolohiya
[baguhon | baguhon an source]An espesye na ini naobserbaran na nagbuburak sa bilog na taon.[1]
Distribusyon asin ekolohiya
[baguhon | baguhon an source]An mga indibiduwal nin N. sericea natalaan sa nagkapirang alitoktok kan Girilngatan Bukid-Titiwangsa na may langkaw na 1,300 metros poon sa ibabaw kan kapatagan nin dagat asin nakaabot sa itaas na 2,180 metro langkaw sa lebel kan kadagatan sa ituktok kan Gunung Korbu, an pinakataas na bukid sa syudad.[1]
An partikular na mga espesye na ini makukuang nagtatalubo o bilang epifitikong mga tinanom sa laog kan malumot na kadlagan, saka sa ibabaw nin masasagusong ituktok nin mga bukid. An mga hibabang puro-pitsel nahahaman asin parati natatambunan sa mahi'bog na suon nin lumot Sphagnum.[1]
Reperensya
[baguhon | baguhon an source]- ↑ 1.0 1.1 1.2 1.3 1.4 1.5 Lim, Gideon; Golos, Michal R.; Mey, François S.; Wistuba, Andreas; McPherson, Stewart R.; Robinson, Alastair S. (April 13, 2023). "Delimitation of the Nepenthes macfarlanei Group with two species described as new In: Nepenthes - The Tropical Pitcher Plants Volume 3" (PDF). Redfern Natural History (in English). ISBN 978-1-908787-49-1. Retrieved May 27, 2023.
