Nicholas Winton
| Sir Nicholas Winton MBE | |
|---|---|
 Winton in Prague on 10 October 2007 | |
| Kamundagan | Nicholas George Wertheim 19 Mayo 1909 Hampstead, London, England |
| Kagadanan | 1 Hulyo 2015 (edad 106) Wexham Park Hospital, Slough, Berkshire, England |
| Iba pang mga ngaran | Nicholas George Wortham[1] |
| Alma mater | Stowe School |
| Trabaho | Humanitarian |
| Mga taon na aktibo | 1938–2015 |
| Mga aki | 3 |
| Military career | |
| Alyansa | United Kingdom |
| Serbisyo/ | Royal Air Force |
| Taon kan Serbisyo | 1940–1954 |
| Ranggo | Flight lieutenant |
| Mga labanan/Mga giyera | Second World War |
| Websityo | |
| Plantilya:Website | |
Si Sir Nicholas Winton (namundag Nicholas George Wertheim; Mayo 19, 1909 - Hulyo 1, 2015) sarong Briton na humanitaryo na naghimo kan lagdoan asin sunod-sunod na pagpadulag kan mga kaakian, kadaklan kaini mga Hudyo, hale sa Tsekoslobakya ngane dai mahulog sa kamot kan mga Nazi kan an Ikaduwang Gerang Pankinaban nagdadangadang na. An hiron na ini naapod na kindertransport sa aleman na boot sabihon an pagtransportar kan mga kaakian. Si Winton naghanap mga harong na maeerokan ninda asin naghingoa siya na magin ligtas an saindang byahe pasiring Britanya.[2]
Pakatapos kan gera, siya dai nagpabareta kan saiyang pusoan na gibong-herak alagad an saiyang agom nadukayan kan 1988 an sarong scrapbook sa attic kan harong ninda kun saen nakadetalye an mga pangaran kan mga aki, kun sairisay an mga magurang kaini, asin kun arin na mga pamilya an dinarhan niya kan mga ini. Sa prensa Briton, saiya nabansagan na "Schindler Briton". Kan Oktobre 28, 2014, siya ginawadan nin onra kan Republika Tsekoslobakya, an Order of the White Lion kan Presidenteng Tsekong si Miloš Zeman. Siya kan mga panahon na idto nag'eedad pa sanang 29 asin saiyang naligtas sa mga kampo nin kagadanan kan Nazi an 669 mga babae asin lalaking kaakian kan taon na 1939. [3][4]
Katuwang ni Winton iyo si Trevor Chadwick ta iyo ini an nagparahanap kan mga aking Hudyo na dapat irayo sa kamot kan mga Nazi asin gusto maglunad sa tren pasiring Britanya asin ta igdi an mga magurang nag'oyon masuway sainda an mga aki ninda maligtas sana sa katibaadan.[5]
Kagadanan
[baguhon | baguhon an source]Si Winton nagadan kan umagahon nin Hulyo 1, 2015 sa edad na 106 sa Wexham Hospital sa Slough huli sa respiratoryong pag'aberiya.[6][7]
Mga panluwas na takod
[baguhon | baguhon an source]- [1] Naginibo ni Winton. Kinua 7-07-15.
- [2] Pagreport kan BBC News kan pagligtas ni Winton sa mga aki.
Toltolan
[baguhon | baguhon an source]- ↑ https://www.thegazette.co.uk/London/issue/34567/page/6930/data.pdf
- ↑ http://www.winton.dk/ Kinua 7-07-15
- ↑ ibid
- ↑ http://www.bbc.com/news/uk-england-berkshire-11356875 Kinua 7-07-15
- ↑ http://news.bbc.co.uk/2/hi/uk_news/8227798.stm Kinua 7-07-15
- ↑ http://www.maidenhead-advertiser.co.uk/News/Areas/Maidenhead/Sir-Nicholas-Winton-dies-aged-106-01072015.htm Kinua 7-07-15
- ↑ http://abcnews.go.com/International/wireStory/kindertransport-organizer-nicholas-winton-dies-106-32152995 Kinua 7-07-15
