Kalye Panganiban
An Kalye Panganiban sarong tinampo namomogtak sa siyudad nin Naga, Camarines Sur, Pilipinas. Ini pigngaran ki Jose Maria Panganiban sa pagtaong onra saiya bilang saro siya sa mga Filipinong propagandista na maigot nagtolod na magkaigwang reporma sa palakaw kan administrasyon kolonyal kan mga Espanyol igdi sa Pilipinas. An kalyeng ini inaapod na Panganiban Drive sa Ingles asin napoon ini sa Parke ni Rizal asin tanos asin diretsong nasundo sa rotunda kun saen an Roxas Avenue {Diversion Road), an Magsaysay Avenue asin an Concepcion Pequeña nagsasarapong. Halabang kalye, ini ibong-ibong pano nin mga puwesto komersyal asin sa sarong parte nahanggilid an riles kan tren.
Yaon igdi sa kalyeng ini an aapat na bangko: an Legazpi Savings Bank, an Development Bank of the Philippines (DBP), an Rural Bank of San Jose asin, bago pa sana (2015), an Land Bank of the Philippines. Dakul man igding pwesto kan mga hardware, mga tindahan nin mga piyesa sa awto. May mga nakalinya man igding mga otel arog kan Mirabella Hotel, an Sampaguita Tourist Inn, an Sunny View Hotel, mga botika arog kan Mercury Drug, South Star Drug asin igdi makukua an Bicol Medical Center, sarong ospital sadiri kan gobyerno asin saro sa dakulang ospital sa bilog na rona, saka an Saint John Hospital.
Hilinga man[baguhon | baguhon an source]
- Kalye P. Diaz
- Kalye Barlin
- Kalye Arana
- Kalye Peñafrancia
- Kalye Igualdad
- Kalye Liboton
- Kalye Biak-na-Bato
- Kalye Prieto
- Kalye Elias Angeles
- Kalye Fraternidad
- Kalye Miranda
- Kalye Mabulo
- Kalye Padian
