Perlas

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Manlainlain na mga perlas

An perlas (Ingles: pearl) iyo sarong matagas, makintab na bagay na namokna sa laog nin malumoy na tisyu (ispesipiko an mantle) nin sarong nabubuhay na shelled mollusk o iba pang hayop, arug kan fossil na conulariids. Arug sa bingkay kan mollusk, an perlas iyo pigbibilog nin calcium carbonate (pangenot an aragonite o salak nin aragonite asin calcite)[1] sa minutong kristalikong porma, na naideposito sa konsentrikong lebel. An ideyal na perlas iyo perpektong bilog asin makinis, pero an iba pang mga korte, bistado bilang baroque pearl, an pwedeng mangyari. An pinakapinong kalidad kan natural na perlas iyo may halangkaw na halaga bilang mga gemstone asin bagay nin kagayonan para sa nagkapirang mga siglo. Huli kaini, an perlas ngani sarong metaphor para sa saro na bihira, pino, inoomaw, asin mahalaga.

An pinakamahalaga na perlas iyo nahihiling sa kadlagan, pero iyo bihiraon na marhay. An mga perlas sa kadlagan na ini iyo inaapod bilang natural na perlas. An pigkultura o pigtanom na perlas gikan sa perlas nin oyster asin freshwater mussels minahimo sa mayorya kan mga presenteng pinapabakal. An mga imitasyong perlas iyo mahiwas na pinapabakal bilang baratong alahas, pero an kalidad kan saindang iridesensyo iyo harus na dae magayon asin iyo pasil na malain sa mga totoong perlas. An mga perlas iyo pig-aani asin pigkukultibar pangenot bilang alahas, pero sa nagligad iyo nagamit man sa pagbado. Pigpipino man an mga ini asin ginagamit sa kosmetiks, medisina, asin pormulasyon nin pinta.

Sa kadlagan man o pigkultura, an kalidad na mga perlas iyo pirming nakresyo asin iridensyo, arug kan interyor nin bingkay na nagmomokna sa mga ini. Alagad, an kadaklan sa mga espesye kan shelled mollusks iyo may kakayahan na makamokna nin perlas (teknikal na "calcareous concretions") nin mas kadikit na kintab o mas kadikit na korte nin ispero. Maski ngani an mga ini iyo pwedeng magin lehitimo na "perlas" sa paagi nin hemolohikal na labs asin sa irarom man kan kasugoan nin U.S. Federal Trade Commission,[2] asin iyo namokna sa kaparehas na paagi, an kadaklan sa kaini iyo mayo nin halaga apwera bilang kuriyosidad.

Panluwas na takod[liwaton | liwaton an gikanan]

Toltolan[liwaton | liwaton an gikanan]

  1. "Pearl". Gemdat.org. Archived from the original on April 4, 2017. Retrieved April 3, 2017.  Unknown parameter |url-status= ignored (help)
  2. "Guides for the Jewelry, Precious Metals, and Pewter Industries". Ftc.gov. May 30, 1996. Archived from the original on May 28, 2010. Retrieved July 17, 2010.  Unknown parameter |url-status= ignored (help)