Poncio Pilato

Ecce Homo ("Behold the Man", "Hilnga an Lalaking Ini"), an paglaladawan ni Antonio Ciseri ki Pilato mantang pig-aatubang an pinasakitan na si Hesus sa mga tawo kan Herusalem.

Si Poncio Pilato (Ancient Greek: Πόντιος Πιλᾶτος, Pontios Pīlātos) na midbid sa Ingles bilang Pontius Pilate), an ikalimang prepekto kan probinsiya kan Imperyong Romano na Judea poon kaidtong 26–36 CE. Midbid siya bilang hukom sa paglilitis ni Hesus asin an tawong nagtao nin otorisasyon tanganing ipako si Hesus sa krus. Bilang prepekto, nagsirbi siya sa irarom ni Emperador Tiberius. Ilinadawan siya ni Josephus na malupit asin matagas an payo na lider na nagpaanggot sa mga Hudyo. Hinabonan niya an Ikaduwang Templo sa Herusalem tanganing magtugdok nin sarong aqueduct asin nagbugtak nin mga Imahen ni Cesar sa Herusalem. Sa Bagong Tipan, iniladawan siya na sunud sunudan sa mga Hudyo. Segun sa Kristianong si Eusebio kan Caesarea napiritan si Poncio na maghugot sa sugo ni Caligula kaidtong 36 CE.