Jump to content

Premyo Bollingen

Gikan sa Bikol Sentral na Wikipedia, an talingkas na ensiklopedya

An Premyo Bollingen para sa Rawit sarong onra literaryo iwinawaras sa sarong Amerikanong pararawit sa pagmidbid kan pinakamahusay na libro nin mga bagong berso sa lambang duwang taon o huli sa lawig-buhay na naginibohan.[1] Ini iwinawaras lambang duwang taon kan Beinecke Rare Book and Manuscript Library kan Unibersidad nin Yale.

Pagkamukna asin kontrobersya[baguhon | baguhon an source]

An premyo natugdas kan 1948 ni Paul Mellon, asin pinunduhan nin US$10,000 grant hale sa Bollingen Foundation sa Library of Congress. Magkasi pareho an premyo asin pundasyon ipinagngaran an gawad sa baryo nin Bollingen, Switzerland, kun saen si Carl Jung igwang pahingaloan, an inapod na Bollingen Tower. An pinakaenot na premyo kaini, na pinili nin hurado gikan sa Fellows in American Letters of the Library of Congress, iwinaras ki Ezra Pound para sa saiyang kadamotan nin mga berso The Pisan Cantos.

An obra nin sarong tawo na sinasabing pasista asin simpatisador asin ngani nakaag sa kargong pagtraydor kan panahon nin Ikaduwang Gerang Pankinaban huli sa saiyang mga tinataram sa radyo na antisemitiko nagkawsa nin dakul na pagkasuruya kan mga tawo. Dakulang kontrobersya an nagputok sa prensa. An Library of Congress pinaghurot kan sarong komite sa kongreso na magbutas sa Premyo.[2] An dai nagamit na parte kan grant ibinalik sa Bollingen Foundation kan 1949.[1][3][4]

Pinadagos Programa paagi sa Yale University Library[baguhon | baguhon an source]

An Bollingen Foundation napag'isip na ipadagos an programa alagad ibinalyo an pag'administrar kaini sa Yale University Library. An premyo iginawad na taon-taon, poon 1948 sundo' 1963. Kan 1963 an kantidad kan premyo itinaas sa $5,000, asin dangan itinatao loktaw sarong taon. Pakaagi kan 1968, kan an Bollingen Foundation tinunaw na, an Andrew W. Mellon Foundation iyo an nagsalo kan programa. Kan 1973 an Mellon Foundation nagtugdas nin endowment nin $100,000 ngani an Yale Library mapadagos an pagwaras kan premyo na perpetual.[4]

Kan 1961 sarong premyo man na nakaagid an minukna kan Bollingen Foundation para sa pinakamahusay na pagpalis nin sarong obra, asin ini enot ginana ni Robert Fitzgerald para sa pagpalis niya kan Odyssey. Nasikwit man an gawad ni Walter W. Arndt sa pagpalis niya kan Eugene Onegin, asin kan 1963, ni Richard Wilbur asin ni Mona Van Duyn na magkadungan.

Mga Kagresibe kan Premyo[baguhon | baguhon an source]

Kan ini iginawad taon-taon[baguhon | baguhon an source]

Hilnga man[baguhon | baguhon an source]

Toltolan[baguhon | baguhon an source]

  1. 1.0 1.1 "The Bollingen Prize for Poetry at Yale," Archived May 19, 2011, at the Wayback Machine. webpage maintained by Yale University. Retrieved November 9, 2007.
  2. Britannica online.
  3. McGuire, William (1982). Bollingen: An Adventure in Collecting the Past (Princeton University Press:Bollingen Series, New Jersey).
  4. 4.0 4.1 McGuire, William (1988). "Ezra Pound and Bollingen Prize controversy," in Poetry's Catbird Seat (the consultantship in poetry in the English language at the Library of Congress, 1937–1987) (Library of Congress, Washington, D. C.). ISBN 0-8444-0586-8 . Online version retrieved November 10, 2007.
  5. "Mei-mei Berssenbrugge wins Yale's 2021 Bollingen Prize for Poetry | the Bollingen Prize for Poetry".