Prinsipalidad kan Sealand
An Sealand sarong nagsadiring proklama na nasyon namomogtak sa Dagat Amnayan poon pa kan 1967 alagad bakong tunay na isla. Sarong estruktura inapod na Rough Towers an itinogdok sa dagat kan British Royal Navy na bantayan sa pagbagat kuta kan mga pandagat sasakyan kan Aleman kan Ikaduwang Gerang Pankinaban. An estruktura natogdok luwas sa sakop kan tubig internasyonal kan Reino Unido asin pighananako ni Paddy Roy Bates bilang sarong teritoryo niya na mayong nakakasakop na ibang nasyon. Ini sadit-sadit asin naagaw niya an estruktura sa mga enot na nag'okupar igdi, sarong grupo nin mga piratang brodkaster sa radyo kan taon 1967. . Mala ta igwa sanang sarong kwarto na makalaog sampolo katawo sana. Dawa sinasabi ni Michael Bates, an aki kan kagtogdas kaini, na an teritoryo niya sarong nasyon na independiente, mayo man ibang nasyon an binibisto ini. May nagsakyada duman na mga hale sa Nederlands dara asin lunad sa jetski, helikopter asin speedboats asin nadakop kaini an aki niyang si Michael Bates, alagad nakipaglaban an grupo ni Bates asin nabawe an estruktura, asin nakulong ninda an lider kan mananakyada na si Alexander Achenbach, sarong Aleman. An Alemanya pinadara an embahador asin nakipagnegosyar ki Bates ngane mapalibre si Achenback, bagay na pagpatotoo na an nasyon niya de facto binibisto. Ini pakatapos magdeklara an Reina Unido na dai makakatabang sa Alemanya ta luwas an sinasabing lugar sa teritoryo kan nasabing nasyon. Kun may nakakarani ngane sa palibot kan estruktura, an mga tauhan niya pinapaputokan an mga ini sa pagpamate na nakakalaog na sinda sa teritoryo kan Sealand.
Si Bates, na inaapod niyang sadiri na Prinsipe, sinasabi na tunay na nasyon an Sealand ta kan minukna ini, an dagat mayong nakakasakop na mga nasyon, ta igwa ini sadiring awit pambanwaan, may sadiring selyong postal, may sadiring kwarta moneda, wagayway, asin mga gawe-gawe siring sa tunay na nasyon arog kan pagbale sa mga kompetisyon internasyonal sa isports, asin ngane naggagawad nin mga titulo bilang sarong kahadean.
Mga panluwas na takod[baguhon | baguhon an source]
Toltolan[baguhon | baguhon an source]
.