Probinsya nin Satsuma

Gikan sa Bikol Sentral na Wikipedia, an talingkas na ensiklopedya
Probinsya nin Satsuma
薩摩国
Kahokoman kan Hapon
Satsuma kuni no miyatsuko|
Ika-7ng siglo–1871
Kinamumugtakan kan Probinsya nin Satsuma
Kinamumugtakan kan Probinsya nin Satsuma
An mapa kan mga probinsya kan Hapon (1868) na pigpapahiling an probinsya nin Satsuma
Kapitolyo Distritong Satsuma
Historiya/Uusipon
 •  Pigtugdas Ika-7ng siglo
 •  Pigbawi an Pagkakatugdas 1871
Parte ngunyan kan Prepekturang Kagoshima

An probinsya nin Satsuma (薩摩国, Satsuma-no Kuni) sarong gurang na probinsya kan nasyon na Hapon na sa ngunyan, nasa kabangang sulnupan na kan Prepekturang Kagoshima sa isla kan Kyūshū.[1] Sasshū (薩州) an abrebasyon kaini.

Uusipon[baguhon | baguhon an source]

Satsuma earthenware tea storage jar ( chatsubo ) kaiba an paulownia dangan kulog na paterno, mga huring panahon nin Edo, kadtong 1800-1850

An kapitolyo probinsyal kan Satsuma iyo an Satsumasendai. Sa kasagsagan kan panahon nin Sengoku, sarong kabayarang kadagaan kan Shimazu daimyō an Satsuma, na namahala nin marhay sa kahabagatang Kyūshū hali sa saindang kastilyo sa syudad nin Kagoshima. Sinda an mga enot na patron nin tindang Satsuma, na nailuwas dai nahaloy sa Sulnupan.

Kan 1871, sa abolisyon kan feudal domains ason kan pagtugdas kan mga prepektura pagkatapos kan Pagsasabalik kan Meiji, pigsaro an mga probinsya kan Satsuma asin Ōsumi tanganing maitugdas an prepekturang Kagoshima.

Saro an Satsuma sa mga pangenot na probinsya na nagkontra sa Shogunato nin Tokugawa sa katahawan kan ika-19 na siglo. Nin huli digdi, an oligarkiya na naghali sa kapangyarihan matapos an Pagsasabalik kan Meiji kan 1868, igwang makusog na representasyon gikan sa probinsya nin Satsuma, sa mga lider arog ni Ōkubo Toshimichi asin ni Saigō Takamori na pagkua nin mga panginot na posisyon sa gobyerno.

Bistado na marhay an Satsuma sa saindang mga produksyon kan mga kamote, na bisto sa Hapon na 薩摩芋 (satsuma-imo o "patatas kan Satsuma"). Sa ibang banda, an Satsuma mandarins (bisto man sa mikan sa Hapon), dai partikular na naghali sa Satsuma alagad naangkat sa Sulnupan sa paagi kan probinsya na ini sa panahon kan Meiji.

Toltolan[baguhon | baguhon an source]