Jump to content

Puviarasu

Gikan sa Bikol Sentral na Wikipedia, an talingkas na ensiklopedya
Puviarasu
Minundagan1930 (edad 93–94)

Si Puviarasu o Puviyarasu, namundag. 1930), sarong Tamil na pararawit asin kagpalis nin mga trabahong literaryo. Siya gikan sa Tamil Nadu, Indya.

Biograpiya

[baguhon | baguhon an source]

Si Puviyarasu namundag sa sarong baryong haraning Udumalpet. An paangaran niya sa pagkamundag S. Jagannathan. An katagang Puviyarasu pagpalis sa Tamil kan Sanskritikong "Jagannathan". An saiyang pamilya naghubo' asin nag'estar na sa Coimbatore. Saiyang nakamit an saiyang sekundarya sa Government Arts College, Coimbatore asin saiyang Tamil Vidwan na degree sa Perur Tamil College. Siya nagtrabaho nin lampas 30 taon bilang maestro nin Tamil. Enot siyang nagpublikar kan saiyang mga sinurat kan 1952. Siya Marxista sa politika asin kagkontra sa mga partidong Dravidian. Siya pinagpreso huli sa partisipasyon niya sa mga paghuhurot na an Tamil gibohon na lenggwahe administratibo sa Tamil Nadu, sa pag'imbwelto sa mga kariribokan nin teritoryo. Siya an saro sa kagtugdas kan madalian na Vanambadi literaryong hiron. Sa saiyang karera literaryo nakapapublikar siya nin sobra sa otsentang libro. Saiya man na napalis an mga obra na Shakespeare, Khalil Gibran, Omar Khayyam, Osho, Dostoevsky asin Rabindranath Tagore sa Tamil.[1] Iba sa saiyang mga rawitdawit napalis naman sa Ingles, Ruso, Hunggaro, Malayalam, Kannada, Hindi asin Sinhalese. Kan 2007 saiyang ginana an Sahitya Akademi Translation Prize para sa rawitdawit niyang Puratchikaaran na pagpalis kan "The Revolutionary" ni Kazi Nazrul Islam. Kan 2010, siya nagawadan premyo kan Sahitya Akademi Award para sa saiyang Tamil na koleksyon nin mga rawitdawit Kaioppam (lit. The Signature). An charitable trust na Puviyarasu Tamil Valarchi Mayyam (nagpoon na magtukdo nin toltolan sa mga maestro sa Tamil) ipig-ngaran saiya. Siya sa presente nag'eestar sa Coimbatore.[2][3][4]

Mga piling bibliograpiya

[baguhon | baguhon an source]

Rawitdawit

[baguhon | baguhon an source]
  • Kaioppam
  • Ettu thisai kaatru
  • Kavithaikenna Kelvi
  • Meendum zen kavithaikal
  • Idu dhan
  • Vaasippu

Mga Pagpalis

[baguhon | baguhon an source]

Drama

[baguhon | baguhon an source]
  • Manidhan
  • Moondram pirai

Mga Pasib asin pagmidbid

[baguhon | baguhon an source]

Mga Libro

[baguhon | baguhon an source]

An saiyang mga libro makukua bilang ebook sa Pustaka Archived 2016-10-18 at the Wayback Machine..

Toltolan

[baguhon | baguhon an source]
  1. ↑ "Memories of Tagore in city | Coimbatore News - Times of India". The Times of India (in English). TNN. Nov 28, 2011. Retrieved 2021-06-01. 
  2. ↑ Tamil Sahitya Akademi Awards 1955-2007 Archived 2010-01-24 at the Wayback Machine. Sahitya Akademi Official website.
  3. ↑ "Sahitya Akademi award for Puviarasu". The Hindu. 24 December 2009. Archived from the original on 27 December 2009. https://web.archive.org/web/20091227234146/http://www.hindu.com/2009/12/24/stories/2009122460580700.htm. Retrieved on 19 November 2023. 
  4. ↑ "'Younger generation has social consciousness but no pace'". The Hindu. 11 January 2010. Archived from the original on 15 January 2010. https://web.archive.org/web/20100115164853/http://www.hindu.com/2010/01/11/stories/2010011154380500.htm. Retrieved on 19 November 2023. 

Plantilya:Sahitya Akademi Award For Tamil Kategory:Mga Ika-20ng siglong mga Indyanong mga dramatista asin mga playwright

Kinua sa "https://bcl.wikipedia.org/w/index.php?title=Puviarasu&oldid=268009"