Ramon Mitra, Jr.

Gikan sa Bikol Sentral na Wikipedia, an talingkas na ensiklopedya
Si Ramon Mitra, Jr.

Si Ramon Villarosa Mitra, Jr. (Pebrero 4, 1928:Puerto Princesa, Palawan - Marso 20, 2000: syudad kan Makati) sarong prominenteng pulitiko asin aktibista na tagatolod kan demokrasya kan Filipinas.


Kaamayan kan buhay asin karera[baguhon | baguhon an source]

Namundag si Mitra sa laog kan Iwahig Penal Colony sa syudad kan Puerto Princesa, Palawan ki Ramon P. Mitra y Marino asin Purificacion Villarosa. Sa elementarya, nag'entra siya sa sarong pampublikong eskwelahan. An segundarya kinua niya sa San Beda College, Manila. Natapos niya an Batsilyer sa Arte sa syudad kan Baguio asin Batsilyer sa Ley sa San Beda.

Nanombrahan siya komo Philippine Foreign Service Officer sa Washington, D.C. poon 1954 abot 1961. Kan 1961, nanombrahan siyang Special Assistant sa opisina ni Pres. Elpidio Quirino. Dangan nagin siyang Senior Technical Assistant sa opisina ni Alkalde Villegas kan Manila poon 1962 sungdo' 1965.

Buhay pulitiko[baguhon | baguhon an source]

Naelehir siyang kongresista para sa Palawan nin duwang periodo poon 1965 asin nagin minority leader sa laog kan limang taon. Nagdalagan siya bilang senador sa ikaduwang termino asin nanggana sa pagkasenador kan 1971.

Ilaga pa siyang maputlan buhay huli sa granada na ibinatikal kan an grupo niya nagkakampanya sa Plaza Miranda. Siya asin an kapartido niyang mga Liberal nagkakampanya laban ki Marcos. Kan Septyembre 21, 1972, an saiyang turno biglang naputol pagdeklara nin ley militar ni Pres. Ferdinand Marcos. Saro siya sa enot na inaresto asin kinulong.