Elpidio Quirino
| Saiyang Kagalang-galang Elpidío Quiríno | |
|---|---|
| |
| Ika-6 Presidente kan Filipinas | |
| Termino Abril 17, 1948 – Desyembre 30, 1953 | |
| Bise Presidente | Mayo' (1948–1949) Fernando López (1949–1953) |
| Suminunod ki | Manuel Roxas |
| Sinundan ni | Ramon Magsaysay |
| Ika-2 Bise Presidente kan Filipinas | |
| Termino Mayo 28, 1946 – Abril 17, 1948 | |
| President | Manuel Roxas |
| Suminunod ki | Sergio Osmeña |
| Sinundan ni | Fernando López |
| Secretary of Foreign Affairs | |
| Termino Septyembre 16, 1946 – Abril 17, 1948 | |
| President | Manuel Roxas |
| Suminunod ki | Pwesto itinogdas |
| Sinundan ni | Bakante Pwesto kinaptan ngapit ni Joaquín Miguel Elizalde |
| Secretary of Finance | |
| Termino Mayo 28, 1946 – Nobyembre 24, 1946 | |
| President | Manuel Roxas |
| Suminunod ki | Jaime Hernandez |
| Sinundan ni | Miguel Cuaderno |
| Termino Hulyo 25, 1934 – Pebrero 18, 1936 | |
| President | Manuel L. Quezon |
| Suminunod ki | Vicente Encarnacion |
| Sinundan ni | Antonio de Las Alas |
| Secretary of Interior | |
| Termino 1935–1938 | |
| President | Manuel L. Quezon |
| Suminunod ki | Severino de las Alas |
| Sinundan ni | Rafael Alunan |
| Ika-4President pro tempore of the Senate of the Philippines | |
| Termino Hulyo 9, 1945 – Mayo 25, 1946 | |
| President | Sergio Osmeña |
| Suminunod ki | José Avelino (acting) |
| Sinundan ni | Melecio Arranz |
| Senador nin Filipinas | |
| Termino Hulyo 9, 1945 – Mayo 28, 1946 | |
| Senador kan Filipinas hale sa enot na distrito senatoryal | |
| Termino 1925 – Nobyembre 15, 1935 Served with: Isabelo de los Reyes (1925–1928) Melecio Arranz (1928–1935) | |
| Suminunod ki | Santiago Fonacier |
| Sinundan ni | Pwesto hinale' |
| Member of the Philippine House of Representatives from Ilocos Sur's 1st District | |
| Termino 1919–1925 | |
| Suminunod ki | Alberto Reyes |
| Sinundan ni | Vicente Singson Pablo |
| Personal na mga detalye | |
| Kamundagan | Elpidío Quiríno y Rivera Nobyembre 16, 1890 Vigan, Ilocos Sur, Captaincy General of the Philippines |
| Kagadanan | Pebrero 29, 1956 (edad 65) Novaliches, Quezon City, Philippines |
| Lulubngan | Heroes' Cemetery, Taguig, Philippines |
| Partido politikal | Partido Liberal Partido Nacionalista |
| Mga karelasyon | Cory Quiríno (makuapo) Monique Lagdameo (makuapo sa tuhod) |
| Mga aki | Tomas Quiríno Armando Quiríno Norma Quiríno Victoria Quiríno-González Fe Angela Quiríno |
| Alma mater | University of the Philippines |
| Trabaho | Abogado |
| Pagtubod | Katoliko Romano |
Si Elpidio Rivera Quirino (16 Nob. 1890 - 29 Peb. 1956) iyo an ika-anom na presidente kan Republika kan Filipinas. Nagsirbe siya sa katongdan na ini poon Abril 17, 1948 abot Des. 30, 1953. Namundag siya sa Vigan, Ilocos Sur sa mag-agom na si Mariano Quirino saka si Gregoria Rivera. Tinapos niya an kursong abogasya sa Unibersidad kan Pilipinas kan taon 1915. Siya Katoliko Romano asin iyo an enot na Ilokanong presidente. Siya igwa man dugong Kastila.
Kaamayan kan buhay
[baguhon | baguhon an source]Kan siya sadit pa, duman siya nagestar sa Aringay, La Union. Sa segundarya, nag-entra siya sa Vigan High School alagad naggraduar siya sa Manila High School kan taon 1911. Nagtrabaho man siya komo junior computer sa Bureau of Lands asin property clerk sa Manila Police Department. Nagkua siya asin nakapasar nin eksamen sa civil service, enot na grado.
Nagklase man siya sa Unibersidad kan Pilipinas (University of the Philippines) asin nagkua siya sa College of Law kaini nin abogasya kan taon 1915 asin ta nakapasar siya sa eksamen sa pagka-abogado. Nagpraktis siya kan saiyang pagka-abogado alagad napili siya na magtukaw komo Representante sa Philippine House of Representatives poon 1919 abot 1925, dangan nagin siyang Senador (1925-1931). Nagsirbe man siya komo Secretary of Finance asin Secretary of the Interior sa gobyernong Kumonwelt.
Pulitika
[baguhon | baguhon an source]Pakatapos kan Ika-2ng Gerang Pangkinaban nagsirbe siya komo Sekretaryo kan Estado asin Bise Presidente sa irarom kan si pinaka-enot na presidente kan Talingkas na Filipinas, si Manuel Roxas. Kan magadan si Roxas kan Abril 15, 1948, siya an nagsalida sa pagkapresidente. Sunod na taon napili siya sa eleksyon para sa apat-na-taon na termino sa parehong kargo. Nagdalagan siya sa tiket kan Partido Liberal.
An administrasyon niya nag-atubang nin makuring homa' sa pagbungkaras kan mga Hukbalahap na dati sarong hokbo naglaban sa mga nanakyadang Hapon igdi sa Filipinas. Kan an mga Komunista iyo na an namayo sa hiron (movimineto) na ini, nagtumang na sa gobyerno asin ta an negosasyon ni Quirino kan 1948 sa lider kaini na si Luis Taruc mayong kinaabtan; si Taruc nagdeklara na an grupo ninda tuyong bubungkalon an gobyerno.
Pagtongtong kan 1950, an mga Huk kontrolado na an dakulang parte kan Luzon. An ginibo ni Quirino pigtokahan si Ramon Magsaysay komo Sekretaryo kan Depensa Nasyonal sa pagsabat asin pagsumpo kan nagtatalubo na insureksyon.
An termino ni Qurino nabibisto sa marikas na rekonstruksyon hale sa pagkawasak sa gera, dagosdagos na paguswag kan ekonomiya, asin an pagsampa' nin dakulang tabang ekonomiko haleng Estados Unidos. Alagad, dakul na problema sosyal sa mga baro-banwaan an dai maresolberan. Masabi pa, an saiyang administrasyon nadigtaan kan akusasyon na grabe asin lakopan an korupsyon nangyayari sa irarom kan saiyang liderato. Sinasabi na an eleksyon kan 1949 iyo an saro sa pinaka-madaya' na eleksyon nangyari igdi sa Filipinas.
Si Magsaysay naglitik saiya sa isyu nin korupsyon, asin dara an mahamot niyang imahe sa pagsumpo niya kan insurhensya kan mga Huk, nagdalagan siya sa eleksyon kan 1953 sa tiket kan Partido Nasyonalista kontra ki Quirino sa pagka-presidente. Sa eleksyon na idto, si Quirino nadaog asin nagretiro na sa pribadong buhay.
Mga panluwas na takod
[baguhon | baguhon an source]- Buhay-buhay ni Elpidio Qurino-http://www.angelfire.com/on/philpres/quirino.html
- Elpidio Quirino, Hayokong na Pabisto- http://www.nndb.com/people/145/000098848
