Raul Locsin

Gikan sa Bikol Sentral na Wikipedia, an talingkas na ensiklopedya
Si Raul L. Locsin[1]

Si Raul L. Locsin ( ? 1932 - Mayo 24, 2003) sarong Filipinong negosyante, kagtogdas asin tagapaglagda y dating pamayong editor kan dyaryong Businessworld, an pinakaenot na peryodikong pangnegosyo sa bilog na Sur-Subangan kan Asya. Si Locsin namundag sa siyudad kan Silay, Negros Occidental, Filipinas.

An saiyang agom iyo si Letecia Martillo Locsin na iyo an nagsalida saiya sa pwesto bilang namamayong editor alagad nagadan naman kan Agosto 3, 2005. [2] An pagsasaro ninda nagbunga nin anom na aki: si Barbara, Nonoy, Bingbing, Rina, Roman, asin Kriss.

Sa kaisipan na madara sa ordinaryong mga parabasa an mga baretang negosyo sa simpleng paagi, saiyang tinogdas an peryodikong "Business Day" kan 1967, alagad pakalihis nin 20 taon napiritan siyang isara huli sa labor dispute. Pirang bulan pakasara, kan taon 1987, saiya liwat binuhay an peryodiko, pero dara na an pangaran na "BusinessWorld", kun saen an mga empleyado mga kahiras na sa pagrorogaring kan negosyo.

Si Locsin resipyente kan 1999 Ramon Magsaysay Award for Journalism, Literature, and Creative Communication Arts. Ginawadan man siya nin pag'onra kan Philippine Press Institute bilang Editor's Choice Awardee kan 2000.

Amay pa nahiling na ni Locsin an pangangaipo na makaag an saiyang peryodiko sa Internet kaya saiyang pigmukna an BusinessWorld Online, Inc. na iyo an nag'aasikaso na an mga napapalaman sa peryodikong nakapapel aro-aldaw yaon na tolos online asin nababasa sa internet.

Bilang tagapaglagda' asin editor, saiyang higot na sinasabi sa saiyang mga sakop na an sarong peryodista dapat matanos, daing kinikilingan pagsurat bareta, asin mahigos magkotkot kan mga detalye kan duwang lado kan bareta. Saiyang ikinaka'uyam nanggad an pagbabareta na waso asin sapote.[3]

Mga panluwas na takod[baguhon | baguhon an source]

Toltolan[baguhon | baguhon an source]