Sabang, Calabanga
An Sabang saro sa barangay kan banwaan nin Calabanga sa probinsiya nin Camarines Sur. Ini iyo an kostal na barangay na namumugtak sa Habagatan na baybayon kan Sola' nin San Miguel. Igwa man nin siring na ngaran nin barangay sa San Jose, Camarines Sur asin sa Syudad nin Naga.
Susog sa census kan taon 2020, nag-eerok igdi an 6.39% kan total na populasyon nin Calabangueños. An saindang populasyon nag-aabot sa bilang nin 5,683 katawo.
Namumugtak man igdi ang Sabang Fish port, na kun sain yaon an manlain-lain na parasira na naglalapigot kan saindang pagkabuhay. Ang Sabang iyo ang komersiyal na fishing center kan San Miguel Bay. 80% kan mga sira na nadadakop sa San Miguel Bay saindang dinadara sa Sabang.
Bantog man ang barangay na ini sa inaapod nindang "bulong" o "hinghing" sa mga parasira. Ini ang saindang paagi nin pagpabakal ning sira na kun sain ang mga parabakal minahinghing kan saindang "bid" na presyo. Ang parabakal na naghinghing kang pinakahalangkaw na presyo ang makaka-bakal kan mga sira. Ini man saindang ititinda sa kanya-kanya nindang pwesto nin tindahan nin sira.
Background
[baguhon | baguhon an source]An mga taga na Sabang ugwang depinisyon o inaapod na 'Nguso kan Salog' asin an Sabangan an boot sabihon, "lugar kun sain an nguso kan salog" o nangangahulugan man nin "port" o "lugar" kun sain nagdadaong an mga baruto.
An Sabang, pano nin manlain-lain na sira. Alagad bako lang mga sira ang yaon digdi, arog kan sirang abo, balanak, sap-sap, langkoy asin iba pa. Makakahiling asin makakabakal man nin iba-ibang klase nin sirang daing o tuyo kun sain bisto an Sabang bilang saro sa mga nagpoprodusar kan daing o tuyo na nakaka-abot sa iba-ibang parte kan Pilipinas.
Uusipon
[baguhon | baguhon an source]Kan Pebrero 19, 1900 nin alas-siete nin aga, susog sa orden kan mga Amerikano, nakatungtong tulos nin sarabay-sabay sa duwang mga punto; An Banwaan nin Calabanga asin sa Banwaan nin Barceloneta na nagibo man kan agang ito, dangan an Banwaan nin Cabusao sa minasunod na aldaw. Na pinanginotan nina Tenyente Kolonel Parker, Major Cole asin ni Major Casey, dae piglalaoman na inot na nakatungtong an mga ini sa Kadagaan nin Camarines Sur. [1].
Edukasyon
[baguhon | baguhon an source]Igwa sindang eskwelahan sa elementarya na may hiwas nin 3 hektarya asin inaapod na Sabang Elementary School. Tigdonar ini kan dating Congressman Emilio Tible Sr. Tigpapamununuan ini nin sarong punong- guro, asin igwang 19 paratukdo.
Sa sekondarya igwa man sinda nin inaapod na Sabang National Highschool na nagpuon mag-operar kan taon 1996.
Toltolan
[baguhon | baguhon an source]- ↑ pigkua sa librong The Philippine Revolution in the Bicol region (Volume II); pahiná 92. An librong ini hale sa librong Lucha Y Libertad na pigpalis sa ingles ni Hilario A. Lim
Mga panluwas na takod
[baguhon | baguhon an source]- Mark Robles, (2021,September 15. Aramon ta igdi sa video na ini kun ano an inaapod na "bulong". Retreived from https://www.facebook.com/ilovemarkrobles/videos/460735794946691/?mibextid=rS40aB7S9Ucbxw6v
- https://www.philatlas.com/luzon/r05/camarines-sur/calabanga/sabang.html
- http://bdp.bgas-phil.net/pdf/bdp/18643
