Santigwar (rawit-dawit)
| Nasyon | Filipinas |
|---|---|
| Tataramon | Bikol Sentral asin tataramon na Tagalog |
| Genre | Rawitdawit/Antolohiya |
| Kagpublikar | Goldprint Publishing House |
Taon kan publikasyon | 2006 |
| Klase nin media | Imprenta |
An Santigwar[1][2][3] (mga rawitdawit sa Bikol asin Filipino) sarong librong ipigsurat kan Bikolanong parasurat na si Kristian Sendon Cordero. Panduwa ini sa mga libro nya pakalihis na mailuwas nya an pinaka-inot nyang librong Mga Tulang Tulala: Piling tula sa Filipino, Bikol at Rinconada. An Santigwar ipigpublikar sa paagi kan Goldprint Publishing House (Concepcion Grande, Naga City) kan taon 2006. An pira sa mga rawit nya igdi nainot nang magruluwas sa Montage(University of Santo Tomas), 24/7 Walang Panahon ng Philippine Collegian (University of the Philippines), Kabywan, Mga Tula Para sa Hacienda Luisita(Kilometro 64) San Ag 5(University of San Agustin), Latian(Aquinas University of Legaspi), Pillars(Ateneo de Naga University), Homelife, Bikol Reporter, Bicol Mail, Burak, Salugsog sa Sulog, www.oragonrepublic.com, www.dalityapi.com, www.emanila.com, asin man sa Critical Survey for Philippine Literature. Parte man kan koleksiyon na ini an mga rawit na naonrahan sa 2004 Premio Tomas Arejola Para sa Literaturang Bikolnon na igwa man nin primera-pwesto. Iyo ini an mga rawit na Pagdurog kan Aswang, Pulang Signos, Pagkamundag ni Bakunawa, Kansyon kan Bulan sa Panganoron, Pagkatapos Halunon ni Bakunawa an Bulan asin man an Pagsantigwar sa Banwaan asin Hali(y)a. Kairiba sa mga nagtaung tuyaw para sa koleksiyon na ini iyo sinda Jose Fernando P. Obias, Abdon M. Balde, Jr., Genevieve L. Asenjo, Romulo Baquiran, asin man si Victor Emmanuel Carmelo D. Nadera, Jr.
Toltolan
[baguhon | baguhon an source]*Cordero, Kristian, S., Santigwar, 2004, Goldprint Publishing House