Serbesa

Gikan sa Bikol Sentral na Wikipedia, an talingkas na ensiklopedya
Serbesa
Serbesa kan San Miguel
KlaseInomong alkoholiko
Nasyung ginikananAlemanya (moderno)
Kusog nin alkohol~5.0%
KolorBulawan
Mga ingredienteMalta, Hops

An serbesa (Ingles: beer) manungod sa mga siyentipiko iyo sarong klase nin inomon na igwang sadiring pait asin foam kapag binulos na hale sa permentasyon na pang-arak uli kan yeast gamit an “wort” hale sa malta, hops, asin tubig. Ginagamit man an adjunct o iba pang paghahalean kan asukar sa pag-gibo kaini.[1]

Ini daa an pinaka-nakokonsumong inomon, sunod sa tubig asin sa tsa.[2] Ini an pighuhuna na pinakagurang nang alkoholikong inomon sa kinaban. [3][4][5]

Proseso kan pag-gibo[baguhon | baguhon an source]

Para sa sadiring artikulo, hilingon sa Paggibo nin serbesa (Brewing)

Malta an maserbing pangenot na permentasyong materyales na matao nin namit asin kusog sa arak. Ini hale sa tanom na barley.
Pagbulos nin serbesa sa baso

Pangenot na materyales[baguhon | baguhon an source]

An malta, hops, asin tubig an pigsasabing pinakaimportanteng materyales tangarig makagibo nin serbesa. Para sa rasong ekonomikal sa lado nin komersyo o sa pagliwat kan namit nin serbesa, nagdudugang man nin inaapod na adjunct. An adjunct iyo maribay sa parte nin malta, asin saro an mais sa mga halimbawa kaini. Igwang mga debate kun an yeast talaga sarong pangenot na materyales. Nin uli ta ini nagtatabang sana sa permentasyong proseso asin pigsusuway man lang sana sa produkto kun dae na kaipuhan.[1]

An mga mayor na proseso[baguhon | baguhon an source]

Pag-gibo nin Wort[baguhon | baguhon an source]

An obheto kaini iyo makagibo nin "wort" (mala-asukar na likido na iyong liliwaton kan mga yeast) gikan sa pagluto kan malta, adjunct (kun igwa man), hops, asin tubig.[1]

Permentasyon asin Pag-kondisyon[baguhon | baguhon an source]

Sa pagkalaag kan yeast sa wort, maabot nin semana hasta bulan ini depende sa klase kan yeast asin kusog kan serbesa. An asukar sa wort maliliwat pasiring sa etanol asin karbon dioksido.[1]

Pagsara asin Pagbote[baguhon | baguhon an source]

Sinasara an yeast tangarig mas malinaw an kaluluwasang serbesa. Dagos man na itataman an mga minamawot na mga ispesipikasyon arug kan kusog kan arak, kolor, pait, namit, lebel nin karbon dioksido, asin iba pa. Kun pasado na an gabos, dagos na ining ibobote pasiring sa tapos na produkto.[1]

An produkto[baguhon | baguhon an source]

An kusog kan ordinaryo na modernong serbesa igwang halos 5% ABV (alcohol per volume). An kimikal na etanol an nagkakawsa kan pagkaburat kan siisay man na mainom kani. Kaipuhan an malipot na temperatura sa produkto para sa mas maray na pag-namit asin kalidad. Sa komersyo, normal na piglalag an serbesa sa bote, aluminum can, o metal keg.[1]

An serbesa uso naman na salakan nin ibang namit kan prutas o herb ngane magtaong ibang siram sa pag'inom. Ini parati iyo an inomon na itinitinda sa mga inom-inoman asin pwede pinapabakal nakabote o nakalata asin mas masulong kisa ibang inomon arog kan arak o kan tuba.

Epekto sa salud[baguhon | baguhon an source]

An serbesa may marhay na epekto sa puso ta mga kahelangan na posible igdi naluya an pagdapo basta tama' sana an pag'inom kaini, alagad pag pangana' naman na nagigin nang bisyo, ini pwedeng magratak sa katoy (cirrhosis o hepatitis alkoholiko) asin an pag'inom magresulta sa alkoholismo.[6][7]

Hilingon man[baguhon | baguhon an source]

Toltolan[baguhon | baguhon an source]

  1. 1.0 1.1 1.2 1.3 1.4 1.5 Arnold, John P (2005). Origin and History of Beer and Brewing: From Prehistoric Times to the Beginning of Brewing Science and Technology. Cleveland, Ohio: Reprint Edition by BeerBooks. ISBN 978-0-9662084-1-2.
  2. "European Beer Statistics". www.europeanbeerguide.net. Pighugot kan 2015-02-04.
  3. "The Barbarian's Beverage: A History of Beer in Ancient Europe". books.google.com.ph. Pighugot kan 2015-02-04.
  4. "The Alchemy of Culture: Intoxicants in Society". books.google.com.ph. Pighugot kan 2015-02-04.
  5. "World's Best Beers: One Thousand Craft Brews from Cask to Glass". books.google.com.ph. Pighugot kan 2015-02-04.
  6. "Genetic Variation in Alcohol Dehydrogenase and the Beneficial Effect of Moderate Alcohol Consumption on Myocardial Infarction". www.nejm.org. Pighugot kan 2015-02-04.
  7. "Light-to-Moderate Alcohol Consumption and the Risk of Stroke among U.S. Male Physicians". www.nejm.org. Pighugot kan 2015-02-04.