Solusyon (kimika)

Paggibo nin maasgad na tubig na solusyon sa paagi nin pagtunaw kan tablang asin (NaCl) sa tubig. An asin iyo an solute sagkod an tubig iyo an solvent.

Sa kimika, an solusyon (Ingles: solution) iyo sarong espesyal na klase nin salak na homogeneous na pigbibilog nin duwa o mas dakol na mga substansya. Sa arug kaiyang salak (mixture), an solute iyo an substansyang natunaw sa lain pang substansya, na iyo an solvent. An prosesong pagsalak kan sarong solusyon nangyayari sa sukol kun sain yaon an mga epekto kan kimikal na polaridad, na minaresulta sa mga interaksyon na ispesipiko sa solbasyon (solvation). An solusyon iyo harus igwa nin kamugtakan kan solvent kun sain an solvent iyo an mas dakulang praksyon kan salak, na iyo an bistong kaso.

Sarong importanteng parametro kan solusyon iyo an konsentrasyon, na iyo sarong sukol kan bilang nin solute sa sarong aram na bilang nin solusyon o solvent. An terminong "tubigong solusyon" o "aqueous solution" iyo ginagamit kun saro sa mga solvent iyo tubig.

Mga karakter

• An solusyon iyo sarong salak na homogeneous (homogeneous mixture) nin duwa o mas dakol na mga substansya.
• An mga partikulo nin solute sa solusyon dae mahihiling nin mata.
• An solusyon dae minatugot nin tama kan liwanag para maglakop sa purakang direksyon.
• An solusyon iyo pusog.
• An solute gikan sa solusyon iyo dae maisusuway gamit an pag-sara (filtration) (o sa mekanikal na paagi).
• Ini iyo pigbibilog sana nin sarong hitsura.