Tamar Abakelia

Tamar Abakelia
Tamar Abakelia
Kamundagan	19 Agosto 1905; Khoni, Kutais Governorate, Empiryong Rusya
Kagadanan	14 Mayo 1953 (edad 47); Tbilisi, Georgia
Nasyunalidad	Georgian
Edukasyon	Tbilisi State Academy of Arts
Midbid bilang	Iskultura, disenyong panteatro, ilustrasyon
Mga gawad	Honored Artist of the Georgian SSR (1942)
Patron(s)	Nikolai Tikhonov, Shota Rustaveli, Vazha-Pshavela

Si Tamar Abakelia (siring man ipinagsusurat bilang Tamara Abakeliya; Georgian: თამარ აბაკელია; Russian: Тама́ра Абаке́лия) (19 Agosto 1905 – 14 Mayo 1953) dating sarong Georgianang iskultor, tagadisenyong panteatro asin ilustrador. Sya gawadan nin titulong Honored Artist of the Georgian SSR kan 1942.

Pamilya

An ama ni Abakelia na si Grigol Abakelia, sarong chief prosecuting officer kan Georgian SSR, asin tiyuon na si Ioseb Abakelia, sarong namamayong espesyalista nin tuberkulosis nabadil asin nagadan kan panahon ni Joseph Stalin kan 1938. Sya inagom sa sarong Sosyalistang pararawit asin parasurat nin drama na si Karlo Kaladze (1907–1988). Nagkaigwa sinda nin sarong aking lalaki ki Gulda Kaladze na saro man na iskultor.

Biograpiya

Namundag si Tamar Abakelia sa Khoni, Imereti (parte pa kaidto kan Kutais Governorate, Empiryong Rusya), asin nagtapos sa Tbilisi State Academy of Arts kan 1929 dangan nagtukdo duman puon kan 1938. Kabali sa mga obra ni Abakelia iyo an mga grapikong ilustrasyon para ki Nikolay Tikhonov, Shota Rustaveli, David of Sasun, Vazha-Pshavela siring man mga dekorasyon sa entablado kan mga teatrong Rustaveli asin Marjanishvili, asin tagadisenyo kan mga gubing sa mga pelikulang Arsena (1937), Giorgi Saakadze (1942), asin David Guramishvili (1945). Kadakli sa saiyang naresibing pagmidbid gikan sa lado nin iskultura. Sya bantog sa dinamismo kan komposisyon asin mga pabilog na porma, asin si Abakelia nagin responsable para sa pagpatalubo kan iskultura nin Soviet Georgia. Sya naggibo nin mga iskulturang sa Museo kan Marxism–Leninism sa Tbilisi, na ipinapahiling an malain-lain na kabtang kan sosyalistang konstruksyon sa Georgia (1936–37). Nagadan si Abakelia sa Tbilisi kan 1953 asin inilubong duman, sa Didube Pantheon.^[1]^[2]^[3]

Toltolan

↑ [undefined] error: {{lang}}: no text (help) Shanidze, L., "თამარ აბაკელია" (Tamar Abakelia). Georgian Soviet Encyclopaedia, vol. 12, p. 12. Tbilisi: 1975
↑ Mikaberidze, Alexander (ed., 2006), Abakelia, Tamar Archived 30 September 2011 at the Wayback Machine.. Dictionary of Georgian National Biography.
↑ Voyce, Arthur (1948), Russian Architecture, p. . [New York]: Philosophical Library

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[1] [undefined] error: {{lang}}: no text (help) Shanidze, L., "თამარ აბაკელია" (Tamar Abakelia). Georgian Soviet Encyclopaedia, vol. 12, p. 12. Tbilisi: 1975

[2] Mikaberidze, Alexander (ed., 2006), Abakelia, Tamar Archived 30 September 2011 at the Wayback Machine.. Dictionary of Georgian National Biography.

[3] Voyce, Arthur (1948), Russian Architecture, p. . [New York]: Philosophical Library

[1]

[2]

[3]