Tara

Si Tara

Sa Hinduismo, an diosang si Tara (Sanskrito: तारा, Tārā) an ikaduwa sa Dasa (ten) Mahavidya o "Dakulang Kadonongan nin mga diyosa," asin sarong porma nin Adishakti, an tantrikong manipestasyon ni Parvati.

An saiyang pinakabantog na sentro nin pagsamba iyo an templo asin an ronang kremasyon nin Tarapith sa West Bengal, India. An saiyang tolong pinakabantog na porma iyo an Ekajatā, Ugratara, asin Nīlasarasvatī (Neelasaraswati o Neela Saraswati o Neelsaraswati).

Ikonograpiya

Si Kali asin Si Tara pareho nin tamanyo. Pareho sinda linadawan bilang nagtitindog sa sarong bangkay kun minsan binibisto na kaiba si Shiva. Minsan siring, mantang si Kali iyo linaladawan bilang maitom, si Tara linaladawan bilang bughaw. Kapwa sinda nakasulot nin dikit na gubing, alagad si Tara nakasulot nin palda na gibo sa kublit nin tigre, mantang si Kali nakasulot sana nin sarong girdle nin pinurutol na takyag nin tawo. Kapwa sinda nakasulot nin sarong garland na gibo sa pinurutol na payo nin tawo. Kapwa sinda igwa nin dilang nakaluwas, asin an dugo nagkukupsit gikan sa saindang mga ngoso. An saindang tamanyo magkaagidon nin marhay na posibleng masala sa pagmidbid. Ipinapahiling na si Tara nakatindog sa posisyon na pratyalidha (kun saen an walang bitis nakabugtak sa enotan). An saiyang Bhairava (consort) iyo su Akshobhya, sarong porma ni Shiva na iyo an yaon sa porma nin naga (serpent) nakapuripot sa palibot kan saiyang buhok. Siya nakasulot nin sarong korona na gibo sa 5 bungo konektado sa kada saro asin may kaibahan na mga pinggan na gibo sa mga tolang. Walong porma ni Tara an attested sa Māyātantra quoted sa tantric compendium Tantrasāra asin an mga ngaran iyo sinda Ekajaṭa, Ugra-Tara, Mahogra, Kameshvari-Tara, Chamunda, Nila-Sarasvati (Neelasaraswati o 'Blue Saraswati'), Vajra-Tara asin Bhadrakali.

Kataytayan nin mga ladawan

• 
  Sarong bulawan na estatuwa ni Tara nakua sa Agusan del Sur, Filipinas, 1917
• 
  Kali (wala) asin Tara (tuo) igwa nin parehong ikonograpiya