Teluryo

An teluryo o teluryum (Ingles: tellurium) iyo sarong elementong kimikal na may atomic bilang na 52 sagkod simbolo na Te. Ini iyo nababari, maluway na toksiko, bihira, garu pirak an pagkaputi na metalloid. An teluryo iyo haros may pagkakapareho sa selenyo asin asupre sa kimikal na karakter, kun saen an tolo iyo kabale sa grupong chalcogens. Harus mahihiling ini sa katutubong porma kaini na elementong kristal.

An teluryo iyo mas mahihiling sa Uniberso kaysa sa Kinaban. An labing pagkabihira kaini sa kadagaan, na kapareho sa platinum, iyo sa parte huli sa pormasyon kan bolatilong hydride na nagkakawsa sa teloryo na mawara sa ispasyo bilang sarong gas kaidtong mainit na nebular na pormasyon kan Kinaban,^[1] asin sa parte man huli sa hababang afinidad kaini para sa oksiheno, na nagkakawsa sa teluryo na makisaro sa ibang chalcophiles sa magagabat na mga mineral na minalubog sa kairaroman kan daga.